پی ایس ڈی پی دے تحت فنانس ڈویژن دے مختلف ترقیاتی منصوبیں کیتے 1440 ملین روپے دا بجٹ مختص

اسلام آباد۔ 12 جون (اے پی پی) وفاقی حکومت آندے مالی سال 2026-27 کیتے سرکاری شعبے دے سالانہ ترقیاتی پروگرام (پی ایس ڈی پی) دے تحت فنانس ڈویژن دے مختلف ترقیاتی منصوبیں کیتے 1440 ملین روپے دا بجٹ مختص کیتے۔ اتھاں جاری کیتے ڳئے پی ایس ڈی پی دستاویزات موجب فنانس ڈویژن دے پہلے توں جاری 5 مختلف ترقیاتی منصوبیں اچ آڈٹ منیجمنٹ انفارمیشن سسٹم، پاکستان منٹ دی جدید کاری تے اپ گریڈیشن، پاکستان آڈٹ اینڈ اکاؤنٹس اکیڈمی، وفاقی تے صوبائی سطح تے آن لائن بلنگ سلوشن تے عملدرآمد تے وویمن انکلیوسیو فنانس دا منصوبہ شامل اے۔ انھاں منصوبیں تے مجموعی لاگت دا تخمینہ 39377.151 ملین روپے اے جڈانجو 30 جون 2026ء تئیں 34091.698 ملین روپے دے خرچے متوقع ہن۔ پی ایس ڈی پی دے تحت آندے مالی سال دے دوران انھاں منصوبیں کیتے 1440 ملین روپے دا بجٹ مختص کیتا ڳئے۔