پی ایس ڈی پی دے تحت سرمایہ کاری بورڈ دے مختلف ترقیاتی منصوبیں کیتے 760.950 ملین روپے دا ترقیاتی بجٹ رکھیا ڳئے

اسلام آباد۔ 12 جون (اے پی پی) وفاقی حکومت آندے مالی سال 2026-27 کیتے سرکاری شعبے دے سالانہ ترقیاتی پروگرام (پی ایس ڈی پی) دے تحت سرمایہ کاری بورڈ دے مختلف ترقیاتی منصوبیں کیتے 760.950 ملین روپے دا ترقیاتی بجٹ مختص کیتے۔ اتھاں جاری کیتے ڳئے پی ایس ڈی پی دستاویزات دے اعداد و شمار موجب سرمایہ کاری بورڈ دے پہلے توں جاری 5 مختلف منصوبیں اچ چین پاکستان اقتصادی راہداری۔ انڈسٹریل کوآپریشن ڈویلپمنٹ پراجیکٹ (سی پیک۔ آئی سی ڈی پی) دے تحت پراجیکٹ منیجمنٹ یونٹ دا قیام، سرمایہ کاری بورڈ اچ ریگولیٹری اصلاحات، ڈیجیٹل اکانومی انہانسمنٹ پراجیکٹ سودھے اسلام آباد دے خصوصی اقتصادی زون اچ ون سٹاپ سروس دے منصوبہ سودھے اسلام آباد اچ ماڈل سپیشل اکنامک زون کیتے فزیبلٹی سٹڈی دی تیاری تے زمین دی خریداری دے منصوبے شامل ہن۔ واضح رہے جو انھاں منصوبیں تے 30 جون 2026ء تئیں متوقع اخراجات دا تخمینہ 766.018 ملین روپے اے جڈانجو انھاں منصوبیں دی مجموعی لاڳت 5930.331 ملین روپے اے۔ آندے مالی سال دے پی ایس ڈی پی دے تحت سرمایہ کاری بورڈ دے پہلے توں جاری 5 مختلف منصوبیں کیتے مجموعی طور تے 760.950 ملین روپے دا بجٹ مختص کیتا ڳئے۔