پی ایس ڈی پی اچ انفارمیشن ٹیکنالوجی و ٹیلی کمیونیکیشن ڈویژن دے جاری تے نویں منصوبیں کیتے 19580 ملین روپے رکھئے ڳئن

اسلام آباد۔ 12 جون (اے پی پی) وفاقی حکومت سرکاری شعبے دے سالانہ ترقیاتی پروگرام (پی ایس ڈی پی) دے تحت آندے مالی سال 2026-27 دے دوران انفارمیشن ٹیکنالوجی و ٹیلی کمیونیکیشن ڈویژن دے جاری تے نویں منصوبیں کیتے 19580 ملین روپے دے فنڈز مختص کیتن۔ جاری کیتے ڳئے پی ایس ڈی پی دے اعداد و شمار موجب انفارمیشن ٹیکنالوجی و ٹیلی کمیونیکیشن ڈویژن دی جاری سکیماں اچ اسلام آباد اچ ٹیکنالوجی پارک ڈویلپمنٹ منصوبے کیتے 6814 ملین روپے، انفارمیشن ٹیکنالوجی دی صنعت دی بحالی کیتے 1000 ملین، وزیراعظم دے آئی ٹی سٹارٹ اپس پروگرام کیتے 3000 ملین روپے جڈانجو 2 نویں منصوبیں کیتے 285 ملین روپے رکھئے ڳئن۔