آندے مالی سال دے سالانہ ترقیاتی پروگرام اچ وزارتِ اطلاعات و نشریات ڈویژن دے جاری ترقیاتی منصوبیاں کیتے 3 ارب روپے مختص

اسلام آباد۔ 12 جون (اے پی پی) وفاقی حکومت آئندہ مالی سال 2026-27 کیتے سرکاری شعبے دے سالانہ ترقیاتی پروگرام (پی ایس ڈی پی) اچ وزارتِ اطلاعات و نشریات ڈویژن دے جاری ترقیاتی منصوبیاں کیتے مجموعی طور تے 3 ارب ہک کروڑ 89 لکھ 30 ہزار روپے مختص کیتن، جیندے اچ پاکستان ٹیلی ویژن کارپوریشن (پی ٹی وی سی) دی اپ گریڈیشن اتے قومی میڈیا آرکائیو منصوبہ شامل ہن۔ پی ایس ڈی پی دستاویز دے مطابق نیشنل انفارمیشن میڈیا آرکائیول ریپوزٹری (این آئی ایم اے آر) منصوبے کیتے آئندہ مالی سال 2026-27 اچ 65 کروڑ 92 لکھ 52 ہزار روپے مختص کیتے ڳئن۔ ایں منصوبے دی مجموعی لاگت 2 ارب 96 کروڑ 61 لکھ 40 ہزار روپے اے، ڄݙاں جو 30 جون 2026ء تئیں ایںدے تے 2 ارب 30 کروڑ 68 لکھ 88 ہزار روپے خرچ تھی چکین۔ ایویں ہی پاکستان ٹیلی ویژن (پی ٹی وی سی) دی اپ گریڈیشن/ری ویمپنگ منصوبے کیتے آئندہ مالی سال اچ 2 ارب 35 کروڑ 96 لکھ 78 ہزار روپے رکھیے ڳئن۔ منصوبے دی مجموعی لاگت 3 ارب 97 کروڑ 40 لکھ روپے اے، ڄݙاں جو جون 2026ء تئیں ہک ارب 49 کروڑ 19 لکھ 37 ہزار روپے خرچ کیتے ڳئن۔ دستاویز دے مطابق وزارتِ اطلاعات و نشریات دے ݙوہیں جاری منصوبیاں تے مجموعی لاگت 6 ارب 94 کروڑ ہک لکھ 40 ہزار روپے ٻݨدی اے، ڄݙاں جو یکم جولائی 2026ء تئیں 3 ارب 14 کروڑ 13 لکھ 15 ہزار روپے دی لاگت اڳلے مراحل کیتے منتقل کیتی ڳئی اے۔