وزارتِ قومی صحت دے مختلف ترقیاتی منصوبیاں کیتے 16,064.5 ملین روپے دے فنڈ مختص

اسلام آباد۔ 12 جون (اے پی پی)پبلک سیکٹر ڈویلپمنٹ پروگرام (پی ایس ڈی پی) دے تحت آئندہ مالی سال کیتے وزارتِ قومی صحت دے مختلف ترقیاتی منصوبیاں کیتے 16,064.5 ملین روپے رکھیے ڳئن۔ پی ایس ڈی پی دی دستاویز دے مطابق وزارتِ قومی صحت دے 22 مختلف ترقیاتی منصوبیاں کیتے 30 جون 2026ء تئیں ترقیاتی اخراجات دا حجم 42,034.764 ملین روپے اے، ڄݙآں جو آئندہ مالی سال کیتے انھاں ترقیاتی منصوبیاں کیتے 16,064.5 ملین روپے دا فنڈ رکھیا ڳئے۔ وزارتِ قومی صحت دے منصوبیاں اچ اسلام آباد اچ کینسر ہسپتال، جی الیون تھری اچ جناح ہسپتال دا قیام، انفیکشیئس ڈیزیز لیبارٹری، وفاقی دارالحکومت اچ 4 بنیادی مراکزِ صحت، جناح میڈیکل کمپلیکس اینڈ ریسرچ سینٹر دے قیام سودھا وزیرِ اعظم دے انسدادِ ہیپاٹائٹس دے پروگرام، شوگر دے خاتمے دے پروگرام دے علاوہ پولی کلینک اسلام آباد اچ کارڈیالوجی سودھا مختلف ڈیپارٹمنٹس دی اپ گریڈیشن، ترلائی اسلام آباد اچ کنگ سلمان بن عبدالعزیز السعود ہسپتال دے قیام ڄھئیں مختلف منصوبے شامل ہن۔