پی ایس ڈی پی دے تحت فنانس ڈویژن دے مختلف ترقیاتی منصوبیں کیتے 1440 ملین روپے دا بجٹ رکھیا ڳئے

اسلام آباد۔ 12 جون (اے پی پی) وفاقی حکومت آئندہ مالی سال 2026-27 کیتے سرکاری شعبے دے سالانہ ترقیاتی پروگرام (پی ایس ڈی پی) دے تحت فنانس ڈویژن دے مختلف ترقیاتی منصوبوں کیتے 1440 ملین روپے دا بجٹ رکھیے۔ جمعہ کوں اتھاں جاری پی ایس ڈی پی دستاویزات دے مطابق فنانس ڈویژن دے پہلے توں جاری 5 مختلف ترقیاتی منصوبوں اچ آڈٹ مینجمنٹ انفارمیشن سسٹم، پاکستان منٹ دی جدید کاری تے اپ گریڈیشن، پاکستان آڈٹ اینڈ اکاؤنٹس اکیڈمی، وفاقی تے صوبائی سطح تے آن لائن بلنگ سلوشن تے عملدرآمد تے ویمن انکلوسو فنانس دا منصوبہ شامل اے۔ انھاں منصوبوں تے مجموعی لاگت دا تخمینہ 39377.151 ملین روپے اے، جڈانجو 30 جون 2026ء تئیں 34091.698 ملین روپے دے اخراجات متوقع ہن۔ پی ایس ڈی پی دے تحت آئندہ مالی سال دے دوران انھاں منصوبوں کیتے 1440 ملین روپے دا بجٹ رکھیا ڳئے۔