آئندہ مالی سال کیتے سرکاری شعبے دے سالانہ ترقیاتی پروگرام دے تحت صنعت و پیداوار ڈویژن دے ترقیاتی منصوبیاں کیتے 6 ارب 65 کروڑ 76 لکھ روپے رکھیے ڳئن

اسلام آباد۔ 12 جون (اے پی پی) وفاقی حکومت آئندہ مالی سال 2026-27 کیتے سرکاری شعبے دے سالانہ ترقیاتی پروگرام (پی ایس ڈی پی) دے تحت صنعت و پیداوار ڈویژن دے ترقیاتی منصوبیاں کیتے 6 ارب 65 کروڑ 76 لکھ روپے دا ترقیاتی بجٹ مختص کیتے۔ جمعہ کوں اتھاں جاری پی ایس ڈی پی دستاویزات دے اعدادوشمار دے مطابق صنعت و پیداوار ڈویژن دے مختلف ترقیاتی منصوبیاں اچ حب سپیشل اکنامک زون کیتے 5 کروڑ، آٹومیشن سینٹرز کراچی، لاہور تے سیالکوٹ انڈسٹریل زونز کیتے 20 کروڑ، ایس ایم ای سہولیات کیتے 30 کروڑ، کراچی انڈسٹریل پارک کیتے 4 ارب 48 کروڑ تے سمیڈا کیتے 30 کروڑ روپے سمیت مختلف ترقیاتی منصوبیاں کیتے فنڈز رکھین۔