کابینہ ڈویژن دی جاری سکیماں کیتے 64,080 ملین روپے رکھیے ڳئن

اسلام آباد۔ 12 جون (اے پی پی) وفاقی حکومت پی ایس ڈی پی دے تحت کابینہ ڈویژن دے ترقیاتی منصوبوں کیتے مجموعی طور تے 64,080 ملین روپے دے فنڈز مختص کر ݙتن۔ کابینہ ڈویژن دے ترقیاتی فنڈز دا وݙا حصہ ایں سال صرف جاری سکیموں کیتے تجویز کیتا ڳئے۔ مالی سال 2026-27 اچ سسٹین ایبل ڈویلپمنٹ گولز اچیومنٹ پروگرام دے ایں سب توں وݙے عوامی فلاحی منصوبے کیتے 63,000 ملین روپے، دارالحکومت اچ ٹیکنالوجی دے فروغ (STZA) دے منصوبے کیتے 563.849 ملین روپے، سیکیورٹی تے توانائی دی بچت دے منصوبے کیتے 194.017 ملین روپے، کراچی اچ قومی آرکائیوز دی عمارت کیتے 298.281 ملین روپے تے اسلام آباد اچ نیشنل آرکائیوز دی عمارت دی بحالی دے منصوبے کیتے 23.853 ملین روپے مختص کیتے ڳئن۔