سائنس اینڈ ٹیکنالوجیکل ریسرچ ڈویژن دے جاری ترقیاتی منصوبیاں کیتے 3 ارب 56 کروڑ 71 لکھ روپے توں ودھ دی رقم رکھی ڳئی اے

اسلام آباد۔ 12 جون (اے پی پی) پبلک سیکٹر ڈویلپمنٹ پروگرام (پی ایس ڈی پی) دے تحت حکومت سائنس و ٹیکنالوجی دے شعبے اچ تحقیق، اختراع تے صنعتی ترقی کوں فروغ ݙیوݨ کیتے مالی سال 2026-27 دے دوران سائنس اینڈ ٹیکنالوجیکل ریسرچ ڈویژن دے جاری ترقیاتی منصوبوں کیتے 3 ارب 56 کروڑ 71 لکھ روپے توں ودھ دی رقم مختص کر ݙتی اے۔ پی ایس ڈی پی دی دستاویزات دے مطابق سائنس و ٹیکنالوجی ڈویژن دے تحت مجموعی طور تے 26 ارب 68 کروڑ 83 لکھ روپے لاگت دے 23 جاری منصوبے مختلف مراحل اچ ہن۔ انھاں منصوبیاں تے 30 جون 2026ء تئیں 15 ارب 63 کروڑ 39 لکھ روپے توں زائد خرچ کیتے ویسن جڈانجو آئندہ مالی سال کیتے 3 ارب 56 کروڑ 71 لکھ روپے مختص کیتے ڳئن۔ انھاں اہم منصوبیاں اچ صنعتی تے طبی مقاصد کیتے کینابس (ہیمپ) دی تجرباتی کاشت و پراسیسنگ، حیاتیاتی عوامل دی جین ایڈیٹنگ، چھوٹے تے درمیانے درجے دے کاروباری اداریاں کیتے سرٹیفکیشن مراعاتی پروگرام، پاک-کوریا سولر فوٹو وولٹائیک ٹیسٹنگ سہولت تے پاکستان کونسل آف سائنٹفک اینڈ انڈسٹریل ریسرچ اچ جدید مینوفیکچرنگ تے ریورس انجینئرنگ مراکز دا قیام شامل اے۔ دستاویزات دے مطابق سیمی کنڈکٹر چپ ڈیزائن دے فروغ کیتے کئی منصوبیاں تے وی کم جاری اے جنھاں اچ سیمی کنڈکٹر چپ ڈیزائن فیسلیٹیشن سینٹر، پرنٹڈ سرکٹ بورڈ سہولت دی اپ گریڈیشن تے نیشنل یونیورسٹی آف سائنس اینڈ ٹیکنالوجی اچ چپ ڈیزائن سینٹر دا قیام وی شامل اے۔ پی ایس ڈی پی دے مطابق سمندری تحقیق دے شعبے اچ گوادر اچ اوشیانوگرافک ریسرچ سب اسٹیشن دی مضبوطی، سمندری پانی دی دراندازی، سطح سمندر اچ اضافے، ساحلی کٹاؤ تے زمین دے دھنساؤ دی نگرانی جیویں منصوبے وی جاری ہن جنھاں دا مقصد ساحلی علاقیاں کوں درپیش ماحولیاتی چیلنجز نال نٻڑݨ کیتے سائنسی بنیاداں تے معلومات فراہم کرݨ اے۔ دستاویزات دے مطابق طبی آلات و ڈیوائسز انوویشن سینٹر، مسابقتی تحقیقی پروگرام، سٹیم پاکستان فیز-II، سطحی انجینئرنگ دے تحقیقی مرکز تے نایاب زمینی عناصر، قیمتی دھاتوں تے اہم معدنیات دی تلاش و استخراج سویں منصوبے ملک اچ سائنسی تحقیق تے صنعتی خودکفالت دے فروغ اچ اہم کردار ادا کریسن۔ دستاویزات دے مطابق طبی کینابس گرین ہاؤسز، قومی ہیمپ و کینابس تجزیاتی لیبارٹری تے قومی صنعتی ہیمپ و میڈیسنل کینابس اتھارٹی دے قیام دا منصوبہ وی جاری اے، جئیں کیتے آئندہ مالی سال اچ 15 کروڑ روپے مختص کیتے ڳئن۔