ریلوے نیٹ ورک کوں جدید اتے محفوظ ٻݨاوݨ دی اسٹریٹجک سکیماں کیتے 40,657.87 ملین روپے مختص

اسلام آباد۔ 12 جون (اے پی پی)وفاقی حکومت پی ایس ڈی پی دے تحت ریلوے ڈویژن دے ترقیاتی منصوبیاں کیتے مجموعی طور تے 40,657.87 ملین روپے دے فنڈز رکھ ݙتن۔ ریلوے ڈویژن دے فنڈز بنیادی طور تے جاری تزویراتی اتے ٹریک سیفٹی دے منصوبیاں کیتے تجویز کیتے ڳئن۔ مالی سال 2026-27 اچ تھر کول ریل کنیکٹیویٹی منصوبے کیتے 2,000 ملین روپے، 820 بوگی ویگنز اتے 230 پیسنجر کوچز دی خریداری و تیاری کیتے 1,500 ملین روپے، ٹریک مینٹیننس مشیناں دی بحالی کیتے 1,840  ملین روپے اتے 100 ڈیزل الیکٹرک لوکوموٹوز دی خصوصی مرمت کیتے 1,072 ملین روپے مختص کیتے ڳئن۔ ایں توں علاوہ پاک افغان ریل کنیکٹیویٹی کیتے کوہاٹ توں خرلاچی تئیں زمین دی خریداری کیتے 500 ملین روپے اتے روہڑی-کمبر سیکشن تے ہنگامی ٹریک سیفٹی ورکس کیتے 500 ملین روپے رکھیے ڳئن۔