پی ایس ڈی پی اچ وزارتِ قانون و انصاف دے منصوبیاں کیتے 2 ارب 40 کروڑ 30 لکھ روپے مختص

اسلام آباد۔ 12 جون (اے پی پی)وفاقی حکومت آئندہ مالی سال 2026-27 دے پبلک سیکٹر ڈویلپمنٹ پروگرام (پی ایس ڈی پی) اچ وزارتِ قانون و انصاف دے جاری اتے نویں ترقیاتی منصوبیاں کیتے مجموعی طور تے 2 ارب 40 کروڑ 30 لکھ روپے مختص کر ݙتن۔ پی ایس ڈی پی دستاویزات دے مطابق وزارتِ قانون و انصاف دے 14 منصوبے شامل ہن جیندی مجموعی لاگت 13 ارب 45 کروڑ 67 لکھ روپے اے۔ انھاں اچ 11 جاری اتے 3 نویں منصوبے شامل ہن۔ جاری منصوبیاں کیتے مجموعی طور تے 1 ارب 38 کروڑ روپے مختص کیتے ڳئن۔ انھاں منصوبیاں اچ اسلام آباد ہائی کورٹ اچ قانونی سہولت مرکز دے قیام کیتے 22 کروڑ 83 لکھ روپے، سیکٹر جی-10/1 اسلام آباد اچ مقدمات دے سہولت مراکز دی تعمیر کیتے 26 کروڑ 17 لکھ روپے، سپریم کورٹ برانچ رجسٹری کوئٹہ کیتے کیمپ آفس دی تعمیر کیتے 22 کروڑ 66 لکھ روپے اتے وفاقی عدالتی نظام دی آٹومیشن کیتے ہک کروڑ 67 لکھ روپے شامل ہن۔ ایویں ہی وفاقی وزارتاں اتے ڈویژناں دے قانونی ونگز کوں مضبوط ٻݨاوݨ کیتے 5 کروڑ روپے، وزارتِ قانون دے ریکارڈ دی ڈیجیٹلائزیشن اتے آرکائیونگ کیتے ہک کروڑ 22 لکھ روپے ڄݙاں جو پشاور اچ وفاقی شرعی عدالت دے کیمپ آفس دی تعمیر کیتے 3 کروڑ 91 لکھ روپے مختص کیتے ڳئن۔ دستاویزات دے مطابق کراچی اچ عدالتاں اتے ٹربیونلز دی تعمیر دے منصوبے کیتے 20 کروڑ روپے، سپریم کورٹ برانچ رجسٹری کراچی دی توسیع کیتے 29 کروڑ 5 لکھ روپے رکھیے ڳئن۔ پی ایس ڈی پی اچ وزارتِ قانون و انصاف دے 3 نویں منصوبے وی شامل کیتے ڳئن جنھاں کیتے مجموعی طور تے ہک ارب 2 ارب 30 لکھ روپے مختص کیتے ڳئن۔ انھاں اچ اسلام آباد ہائی کورٹ دے جج صاحبان دی سرکاری رہائش گاہواں دی تعمیر کیتے 70 کروڑ 30 لکھ روپے، چیف جسٹس اسلام آباد ہائی کورٹ دی سرکاری رہائش گاہ دے تعمیراتی منصوبے دی فزیبلٹی اسٹڈی کیتے 2 کروڑ روپے اتے وفاقی آئینی عدالت دے ججاں دی رہائش گاہواں دی تعمیر کیتے 30 کروڑ روپے رکھین۔ پی ایس ڈی پی دستاویزات دے مطابق وزارتِ قانون و انصاف دے منصوبیاں تے 30 جون 2026ء تئیں 59 ارب 91 کروڑ 24 لکھ 80 ہزار روپے خرچ تھی چکین، انھاں منصوبیاں تے ٻئے 73 ارب 54 کروڑ 22 لکھ روپے خرچ کیتے ویسن۔