پالیسی ریٹ 22 فیصد توں ڳھٹ تھی کراہیں 11.5 فیصد، زرمبادلہ ذخائر تے ترسیلاتِ زر اچ ریکارڈ ودھارا تھیے، وزیرِ خزانہ محمد اورنگزیب

اسلام آباد۔ 12 جون (اے پی پی) وزیرِ خزانہ محمد اورنگزیب آکھیا اے جو گزریل ݙو سالیں اچ پالیسی ریٹ اچ تاریخی ڳھٹکی تھئی اے اتے شرح سود 22 فیصد توں ڳھٹ تھی کراہیں 11.5 فیصد تے آ ڳئی اے۔ جمعہ کوں بجٹ اجلاس اچ انھاں ݙسایا جو پاکستان دے زرمبادلہ دے ذخائر ترائے سال پہلے 4 ارب ڈالر توں ڳھٹ ہن جیڑھے ہݨ ودھ کراہیں 17 ارب ڈالر توں ودھ ڳئن، جڈانجو ترسیلاتِ زر وی ریکارڈ سطح تے پڄدی پئن۔ وزیرِ خزانہ دے مطابق مالی سال دے پہلے 11 مہینے اچ ترسیلاتِ زر 38 ارب ڈالر تئیں پج ڳئن اتے توقع اے جو سال دے اختتام تئیں اے 41 ارب ڈالر توں ودھ ویسن جیڑھی جو ملکی تاریخ دی بلند ترین سطح ہوسی