اسلام آباد۔13 جون (اے پی پی) وفاقی وزیر برائے قانون تے انصاف سینیٹر اعظم نذیر تارڑ آکھیا جو بانی پی ٹی آئی دی صحت، ویل بیئنگ، جیل اچ سہولیات تے انھاں کوں فراہم کیتے ڳئے ماحول بارے معلومات ݙیوݨ حکومت دی ذمہ واری اے اتے او اے معلومات فراہم کریندی رہسی۔ ہفتے کوں ایوان اچ بیرسٹر گوہر خان دے نکتۂ اعتراض دا جواب ݙیندے ہوئیں وفاقی وزیر قانون واضح کیتا …
بانی پی ٹی آئی دی جیل سہولیات تے صحت بارے معلومات پڄاوݨ حکومت دی ذمہ واری اے، اساں اے نبھیندے پئیوں، وفاقی وزیر قانون
مزید خبراں
اسلام آباد۔13 جون (اے پی پی) وفاقی وزیر برائے قانون تے انصاف سینیٹر اعظم نذیر تارڑ آکھیا جو بانی پی ٹی آئی دی صحت، ویل بیئنگ، جیل اچ سہولیات تے انھاں کوں فراہم کیتے ڳئے ماحول بارے معلومات ݙیوݨ حکومت دی ذمہ واری اے اتے او اے معلومات فراہم کریندی رہسی۔ ہفتے کوں ایوان اچ بیرسٹر گوہر خان دے نکتۂ اعتراض دا جواب ݙیندے ہوئیں وفاقی وزیر قانون واضح کیتا جو او پہلے وی نیک نیتی دے نال بہندے رہین اتے ہݨ وی تیار ہن۔ انھاں آکھیا جو بیرسٹر گوہر تے لطیف کھوسہ میں توں بہتر جاݨدن جو کڄھ معاملات عدالتی ہن اتے بانی پی ٹی آئی دی سزا (کنوکشنز) دے بعد ٻہوں چیزاں عدالتی احکامات دے تحت ریگولیٹ تھیندی پئن اتے اے مقدمات عدالتاں اچ زیر التوا ہن۔ اعظم نذیر تارڑ دا آکھݨ ہئی جو بانی پی ٹی آئی دی رہائی، انھاں تئیں رسائی یا ملاقاتاں کوں ریگولیٹ کرݨ دے امور اسلام آباد ہائی کورٹ اچ زیر سماعت ہن، تاہم عدالتی معاملات توں ہٹ کراہیں حکومتی سطح تے جو وی ممکنات ہن او فراہم کیتی ویندی پئن اتے آئندہ وی فراہم کیتی ویسن۔ انھاں ݙسایا جو ایں سلسلے اچ گزریل ݙینھ وزیر اعلیٰ خیبر پختونخوا نال وی ڳالھ مہاڑ تھئی اے۔
