اسلام آباد۔13 جون (اے پی پی) وفاقی وزیر برائے قانون تے انصاف سینیٹر اعظم نذیر تارڑ بجٹ سیشن دی اہمیت تے زور ݙیندیں ہوئیں حکومت تے اپوزیشن ݙوہیں تے زور پاتے جو او بجٹ دے عمل اچ سنجیدگی تے مثبت شرکت کوں یقینی بݨاون۔ ہفتے کوں ایوان اچ ڳالھ مہاڑ کریندیں ہوئیں انھاں واضح کیتا جو قومی اسمبلی دے پورے سال دا کم ہک پاسے اتے بجٹ سیشن دی اہمیت …
بجٹ سیشن پارلیمان دا اہم ترین مرحلہ، حکومت تے اپوزیشن رل کراہیں مثبت کردار ادا کرن، وفاقی وزیر قانون
مزید خبراں
اسلام آباد۔13 جون (اے پی پی) وفاقی وزیر برائے قانون تے انصاف سینیٹر اعظم نذیر تارڑ بجٹ سیشن دی اہمیت تے زور ݙیندیں ہوئیں حکومت تے اپوزیشن ݙوہیں تے زور پاتے جو او بجٹ دے عمل اچ سنجیدگی تے مثبت شرکت کوں یقینی بݨاون۔ ہفتے کوں ایوان اچ ڳالھ مہاڑ کریندیں ہوئیں انھاں واضح کیتا جو قومی اسمبلی دے پورے سال دا کم ہک پاسے اتے بجٹ سیشن دی اہمیت ݙوجھی طرف ہوندی اے، ایں کیتے ایں سیشن کوں انتہائی سنجیدگی نال گھدا ونڄݨا چاہیدے۔ سیاسی رابطیاں تے اپوزیشن دے تحفظات دا حوالہ ݙیندیں ہوئیں وزیر قانون ݙسایا جو گزریل ݙینھ اپوزیشن اراکین نال مطالبات تے بانی پی ٹی آئی عمران خان دے حوالے نال تفصیلی ڳالھ مہاڑ تھئی ہئی۔ انھاں آکھیاجو میں اپوزیشن نال وعدہ کیتا ہئی جو انھاں دے تمام معاملات تے مطالبات توں وزیر اعظم کوں آگاہ کیتا ویسے جئیں تے عملدرآمد کریندیں ہوئیں انھاں کوں سب ݙسا ݙتا ڳئے جڈانجو وزیر اعظم وی اڄ رل بہہ کراہیں معاملات اڳوں ودھاوݨ دی ڳالھ کیتی اے اتے جمہوری عمل اچ اڳوں ودھݨ دا ایہو درست طریقہ اے۔ سینیٹر اعظم نذیر تارڑ اراکینِ اسمبلی کوں یقین ݙوایا جو بجٹ دے دوران اپوزیشن تے حکومتی اراکین ولوں ݙتی ونڄݨ آلی تمام آراء تے تجاویز کوں باقاعدہ ریکارڈ دا حصہ بݨایا ویندا پئے۔
