صدرِ مملکت دا شمالی وزیرستان اچ فتنہ الخوارج دے خلاف کامیاب کارروائیاں تے سکیورٹی فورسز کوں خراجِ تحسین

اسلام آباد۔13 جون (اے پی پی) صدرِ مملکت آصف علی زرداری نے شمالی وزیرستان اچ فتنہ الخوارج دے خلاف کامیاب کارروائیاں تے سکیورٹی فورسز کوں خراجِ تحسین پیش کیتے۔ صدرِ مملکت نے فتنہ الخوارج دے کئی دہشت گرداں کوں ہلاک کرݨ تے سکیورٹی فورسز دیاں پیشہ ورانہ صلاحیتاں تے بہادری کوں سراہا۔ ہفتہ کوں ایوانِ صدر دے پریس ونگ توں جاری بیان دے مطابق صدر مملکت آصف علی زرداری آکھیا جو بھارتی سرپرستی اچ سرگرم فتنہ الخوارج دے سرغناں دا خاتمہ دہشت گردی دے نیٹ ورک دے خلاف اہم کامیابی اے، قوم آپݨی بہادر سکیورٹی فورسز دے نال کھڑی اے۔