مردان اچ پاک فضائیہ دے تربیتی طیارے کوں حادثہ، فلائٹ لیفٹیننٹ محمد قاسم عبداللہ، پاک بحریہ دے لیفٹیننٹ طٰہٰ عباسی شہید، آئی ایس پی آر

راولپنڈی۔15 جون(اے پی پی)پاک فضائیہ دا ہک تربیتی طیارہ معمول دی تربیتی پرواز ویلھے مردان دے نیڑے حادثے دا شکار تھی ڳئے۔ ایں افسوسناک حادثے اچ پاک فضائیہ دے فلائٹ لیفٹیننٹ محمد قاسم عبداللہ اتے پاک بحریہ دے لیفٹیننٹ طٰہٰ عباسی شہید تھی ڳئن۔ پاک فوج دے شعبہ تعلقاتِ عامہ (آئی ایس پی آر) توں جاری کیتے ڳئے بیان دے مطابق حادثے دیاں تحقیقات کیتے ہک بورڈ ٻݨا ݙتا ڳئے۔ چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر، سروسز چیفس اتے پاکستان دی مسلح افواج دے افسران و جواناں ایں سانحے تے ݙاݙھا افسوس کیتے اتے شہدا دے اہلِ خانہ نال ہمدردی کیتی اے۔