اسلام آباد۔15جون(اے پی پی)نائب وزیرِاعظم و وزیرِ خارجہ سینیٹر محمد اسحاق ڈار کوں اپݨے اطالوی ہم منصب انتونیو تاجانی ٹیلیفون کیتے۔ نائب وزیرِاعظم/وزیرِ خارجہ اطالوی قیادت دا شکریہ ادا کیتے جیندے اچ وزیراعظم جورجیا میلونی ولوں پاکستان دیاں سفارتی کوششاں دی تعریف کرݨ وی ہئی ڄئیں امریکہ اتے ایران وچال طے تھیوݨ آلی مفاہمت اچ معاون کردار ادا کیتے۔ دفتر خارجہ موجب انہاں آکھیے جو طے شدہ مفاہمتاں تے مؤثر …
نائب وزیرِاعظم سینیٹر محمد اسحاق ڈار کوں اطالوی ہم منصب دا ٹیلیفون
اسلام آباد۔15جون(اے پی پی)نائب وزیرِاعظم و وزیرِ خارجہ سینیٹر محمد اسحاق ڈار کوں اپݨے اطالوی ہم منصب انتونیو تاجانی ٹیلیفون کیتے۔ نائب وزیرِاعظم/وزیرِ خارجہ اطالوی قیادت دا شکریہ ادا کیتے جیندے اچ وزیراعظم جورجیا میلونی ولوں پاکستان دیاں سفارتی کوششاں دی تعریف کرݨ وی ہئی ڄئیں امریکہ اتے ایران وچال طے تھیوݨ آلی مفاہمت اچ معاون کردار ادا کیتے۔ دفتر خارجہ موجب انہاں آکھیے جو طے شدہ مفاہمتاں تے مؤثر عملدرآمد اتے خطے اچ بالخصوص لبنان سودھا، دیرپا امن و استحکام کیتے بین الاقوامی کوششاں دا تسلسل وݙا اہم اے۔ انہاں زور ݙتے جو آبنائے ہرمز دا کھلا رہݨ عالمی توانائی دی ترسیل، تجارت اتے وسیع تر عالمی معیشت کیتے ہک مثبت پیشرفت اے۔ پاکستان اتے اٹلی وچال تعلقات دی مثبت سمت کدی تعریف کریندے فریقین پاکستان اتے اٹلی وچال سفارتی پاسپورٹ آلیاں کیتے ویزا مکاوݨ بارے معاہدے تے دستخط دا خیرمقدم کیتے۔ ݙوہاں رہنماواں باہمی دلچسپی دے سارے شعبیاں اچ تعاون ٻیا ودھاوݨ دا عزم دوہریندے باہمی رابطے رکھݨ تے اتفاق کیتے۔
