قدرتی چراگاہیں گلہ بانی، دیہی روزگار، حیاتیاتی تنوع اتے ماحولیاتی تحفظ اچ اہم کردار ادا کریندن، وزیراعظم دا کریہہ اتے صحرائی پھیلائو روکݨ دے عالمی ݙینھ تے سنیہا

اسلام آباد۔17 جون (اے پی پی)وزیرِ اعظم محمد شہباز شریف وسیع چراگاہواں کوں ملک داقدرتی چراگاہیں گلہ بانی، دیہی روزگار، حیاتیاتی تنوع اتے ماحولیاتی تحفظ اچ اہم کردار ادا کریندن، وزیراعظم دا کریہہ اتے صحرائی پھیلائو روکݨ دے عالمی ݙینھ تے سنیہا قیمتی اثاثہ قرار ݙیندے آکھیے جو قدرتی چراگاہیں گلہ بانی اتے دیہی روزگار، حیاتیاتی تنوع اتے ماحولیاتی تحفظ اچ اہم کردار ادا کریندن، وفاقی حکومت زرخیز سکیم دے تحت لکھاں چھوٹے کساناں دے قرضیاں کیتے وݙی رقم مختص کیتی اے، زرعی مشینری تے وی سبسڈی ݙتی ویندی پئی اے تاں جو کساناں دی پیشہ ورانہ استعداد ودھائی ونڄے اتے زرخیز زمین دی نگہداشت تھی سڳے۔ خشک سالی اتے صحرائی پھیلاء دی روک تھام دے عالمی ݙینھ، جیڑھا اڄ (ٻدھ کوں) منایا ویندا پئے، دے موقع تے سنیہے اچ وزیرِ اعظم آکھیا جو ایں عالمی ݙینھ تے پاکستان عالمی برادری نال مل تے زمین دی زرخیزی اچ انحطاط، صحرائی پھیلاء اتے خشک سالی دے تدارک دا عزم دوہریندے۔ وزیرِ ا وزیرِ اعظم آکھیا جو ایں سال اے عالمی ݙینھ ’’قدرتی چراگاہیں: سنڄاݨو، احترام کرو، بحال کرو‘‘ دے عنوان نال منایا ویندا پئے جیڑھا غذائی اتے حیاتیاتی تنوع دے تحفظ، موسمیاتی تبدیلی، آبی نظم و نسق اتے مستحکم زرعی ذرائع معاش کیتے قدرتی چراگاہواں دی غیر معمولی اہمیت ودھیندے۔ وزیرِ اعظم آکھیا جو حکومتِ پاکستان زمین دی بحالی، چراگاہواں دے متناسب استعمال و انتظام، شجرکاری، ماحولیاتی نظام دے بحالی اقدامات، خشک سالی دے تدارک اتے مقامی آبادی دی شمولیت تے مبنی جامع حکمتِ عملی نال انھاں چیلنجز نال نٻݨݨ کیتے پرعزم اے۔ وفاقی حکومت زرعی معیشت دے استحکام اتے ترقی کیتے کاشتکاراں دی مالی معاونت سانڳے ’’زرخیز سکیم‘‘ متعارف کرائی اے جیںدے تحت کاشتکاراں کوں بلاسود اتے بغیر ضمانت دے قرضے ملدے پئن جو او اپݨی زرعی زمین دی پیداواری صلاحیت اتے تحفظ کیتے اقدامات کر سڳن۔ وفاقی حکومت زرخیز سکیم دے تحت لکھوں چھوٹے کساناں دے قرضیاں کیتے خطیر رقم مختص کیتی اے، ایندے علاوہ زرعی مشینری تے وی سبسڈی ݙتی ویندی پئی اے جو کساناں دی پیشہ ورانہ استعداد کوں ودھاوݨ دے نال نال زرخیز زمین دی سنبھال وی کیتی ونڄ سڳے۔ انہاں دعوت ݙتی جو سارے رل تے زمینی وسائل دے تحفظ، بحالی اتے دیرپا انتظام کیتے کٹھیاں کوششاں کروں، انفرادی اتے اجتماعی سطح تے شجرکاری اتے باہمی تعاون نال اساں موسمیاتی تبدیلی دے اثرات دا مقابلہ کر سڳدے ہیں۔