وفاقی وزیرِ منصوبہ بندی دی وزیراعظم اتے فیلڈ مارشل کوں امریکہ ایران دے تاریخی ’’اسلام آباد مفاہمتی یادداشت‘‘ کیتے کامیاب سہولت کاری تے مبارکباد

اسلام آباد۔18 جون (اے پی پی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال وزیراعظم محمد شہباز شریف تے فیلڈ مارشل سید عاصم منیر کوں امریکہ تے ایران وچال تاریخی ’’اسلام آباد مفاہمتی یادداشت‘‘ کیتے کامیاب سہولت کاری تے مبارک ݙدیندے آکھیے جو اے معاہدہ پاکستان دی سفارتی کامیابی اتے عالمی امن کیتے ایںدے مثبت کردار دا ثبوت اے۔ انہاں آکھیا جو اسلام آباد ایم او یو ہک ممکنہ تباہ کن تنازع کوں روکݨ، خطے دے اہم تجارتی رستیاں کوں ولا فعال کرݨ اتے محاذ آرائی دی بجائے سفارت کاری اتے مذاکرات دی طاقت کوں اڳونہا کرݨ اچ اہم کردار ادا کیتے، اے پیش رفت عالمی سطح تے پاکستان دے مثبت تشخص تے ذمہ دارانہ کردار دی عکاس اتے قوم کیتے وݙے ماݨ دی ڳالھ اے۔