اسلام آباد۔18 جون(اے پی پی)وزیراعظم محمد شہباز شریف ایران دے صدر ڈاکٹر مسعود پزشکیان، ایرانی قیادت اتے برادر عوامِ ایران کوں تاریخی امن معاہدے تے دستخط دی مبارکباد ݙیندے آکھیے جو اے تاریخی معاہدہ نہ صرف خطے اچ امن کیتے ہتھ ونݙیسی ٻھل ایرانی قوم دی تعمیرِ نو اتے پاکستان و ایران وچال باہمی دلچسپی دے شعبیاں اچ تعلقات کوں ٻیا تکڑا کریس۔ ایرانی صدر وزیراعظم محمد شہباز شریف اتے …
وزیراعظم شہباز شریف کوں ایرانی صدر ڈاکٹر مسعود پزشکیان دا ٹیلیفون، تاریخی امن معاہدے تے مبارکباد
مزید خبراں
اسلام آباد۔18 جون(اے پی پی)وزیراعظم محمد شہباز شریف ایران دے صدر ڈاکٹر مسعود پزشکیان، ایرانی قیادت اتے برادر عوامِ ایران کوں تاریخی امن معاہدے تے دستخط دی مبارکباد ݙیندے آکھیے جو اے تاریخی معاہدہ نہ صرف خطے اچ امن کیتے ہتھ ونݙیسی ٻھل ایرانی قوم دی تعمیرِ نو اتے پاکستان و ایران وچال باہمی دلچسپی دے شعبیاں اچ تعلقات کوں ٻیا تکڑا کریس۔ ایرانی صدر وزیراعظم محمد شہباز شریف اتے فیلڈ مارشل سید عاصم منیر دے ثالثی دے عمل کوں کامیابی نال ہمکنار کرݨ کیتے اہم کردار کوں سراہندے آکھیے جو اوکھے ویلھے اچ پاکستان دی مثبت، تعمیری اتے مخلصانہ حمایت کوں ایران ہمیشہ یاد رکھیسی۔ وزیراعظم محمد شہباز شریف کوں ایران دے صدر ڈاکٹر مسعود پزشکیان ٹیلیفون کیتے۔ وزیراعظم آفس دے پریس ونگ دے مطابق ݙوہائیں رہنماواں وچال ڳالھ مہاڑ 30 منٹ جاری رہی۔ اسلام آباد امن معاہدے تے دستخط دے بعد ݙوہائیں رہنماواں دا اے پہلا رابطہ ہئی۔ وزیراعظم صدر پزشکیان، ایرانی قیادت اتے برادر عوامِ ایران کوں تاریخی امن معاہدے تے دستخط دی مبارکباد ݙتی۔ انھاں آکھیا جو اے تاریخی معاہدہ نہ صرف خطے اچ امن دے قیام اچ مددگار ثابت تھیسی ٻھل ایرانی قوم دی تعمیرِ نو اتے پاکستان و ایران وچال باہمی دلچسپی دے شعبیاں اچ تعلقات کوں ٻیا مضبوط بݨاوݨ اچ مد ݙیسی۔ وزیراعظم ایران دے سپریم لیڈر آیت اللہ سید مجتبیٰ حسینی خامنہ ای کیتے وی اپݨے ݙاݙھے احترام تے نیک تمناواں پچائن۔ وزیراعظم امن معاہدے تے دستخط دے ایرانی فیصلے کوں سراہندے مذاکرات دے اگلے مرحلے کیتے ایرانی قیادت دی کامیابی دی دعا کیتی اتے ایں عزم دا اعادہ کیتا جو پاکستان ہک برادر اتے ہمسایہ ملک دی حیثیت نال ہر شعبے اچ ایران دی مکمل حمایت جاری رکھیسی۔ صدر ڈاکٹر مسعود پزشکیان وزیراعظم محمد شہباز شریف اتے فیلڈ مارشل سید عاصم منیر دا خصوصی شکریہ ادا کیتا اتے آکھیا جو ݙوہائیں شخصیات ݙاݙھی مہارت، اخلاص اتے دانشمندی نال ثالثی دے عمل کوں کامیابی ݙیواوݨ کیتے تکڑا اہم کردار ادا کیتے جیکوں ایران ہمیشہ قدر نال ݙیکھیسی، اوکھے ویلھے اچ پاکستان دی مثبت، تعمیری اتے مخلصانہ حمایت کوں ایران ہمیشہ یاد رکھیسی۔ صدر پزشکیان پاکستانی عوام کیتے اپنی نیک خواہشات پچیندے آکھیا جو ایران باہمی دلچسپی دے شعبیاں اچ پاکستان نال ݙوطرفہ تعلقات ٻیا ودھاوݨ چاہندے۔ ݙوہائیں رہنماواں باہمی سہولت دے مطابق ہک ݙوجھے دے دارالحکومتاں دے تیکھے دورے کرݨ تے اتفاق کیتے تاں جو ݙوطرفہ اتے علاقائی امور اچ موجودہ بہترین تعاون کوں ٻیا اڳو تے ودھایا ونڄ سڳے۔ انھاں آوݨ والے ݙینھاں اچ وی مسلسل رابطے اچ رہݨ تے اتفاق کیتا۔
