نائب وزیرِ اعظم اسحاق ڈار 21 جون کوں آر-4 ملکاں دے وزرائے خارجہ اجلاس اچ شرکت کریسن، ترجمان دفترِ خارجہ

اسلام آباد۔19 جون(اے پی پی)نائب وزیرِ اعظم تے وزیرِ خارجہ سینیٹر محمد اسحاق ڈار مصر دے وزیرِ خارجہ ڈاکٹر بدر عبدالعاطی دی دعوت تے 21 جون کوں آر-4 ملکاں دے وزرائے خارجہ دے چوتھے اجلاس اچ شرکت کریسن۔ ترجمان دفترِ خارجہ دے مطابق آر فور ملکاں دے وزرائے خارجہ دا چوتھا اجلاس قاہرہ (مصر) اچ تھیسی۔ اجلاس اچ مصر، سعودی عرب، ترکیہ تے پاکستان دے وزرائے خارجہ شرکت کریسن۔ اجلاس اچ علاقائی پیش رفت، امن، سلامتی اتے استحکام توں بارے ڳالھ مہاڑ تھیسی۔ آر-4 دے پچھلے اجلاساں دی بنیاد تے باہمی دلچسپی دے شعبیاں اچ تعاون کوں ٻیا ٻݨاوݨ دے طریقہِ کار تے وی غور کیتا ویسی۔ نائب وزیرِ اعظم مصر دے وزیرِ خارجہ ڈاکٹر بدر عبدالعاطی نال ݙوطرفہ مشاورت کریسن۔ نائب وزیراعظم محمد اسحاق ڈار دی مصر دے صدر عبدالفتاح السیسی نال وی ملاقات تھیسی۔ بیان دے مطابق پاکستان اتے مصر وچال مختلف شعبیاں اچ تعاون ودھاوݨ اتے باہمی دلچسپی دی علاقائی و بین الاقوامی پیش رفت تے ڳالھ مہاڑ کیتی ویسی۔