حج 2027 کیتے رجسٹریشن دا آغاز سنوار توں تھیسی: وزارتِ مذہبی امور

اسلام آباد۔21 جون (اے پی پی)وزارتِ مذہبی امور حج 2027 کیتے رجسٹریشن دے آغاز دا اعلان کر ݙتے، جیںدے تحت عازمینِ حج کل سنوار (22 جون 2026) توں آن لائن درخواستاں جمع کرا سڳسن۔ وزارت دے مطابق حج 2027 دی رجسٹریشن سعودی ہدایات اتے ضوابط دے مطابق مکمل کیتی ویسی، جیندا مقصد عازمینِ حج کیتے شفاف اتے آسان سہولیات ݙیوݨ اے۔ عازمینِ حج کوں سرکاری ویب سائٹ www.hajj.mora.gov.pk تے اپݨا یوزر اکاؤنٹ ٻݨا تے اپݨی اتے اپݨے گروپ دیاں تفصیلات نال رجسٹریشن کراوݨی ہوسی۔ حکام موجب رجسٹریشن صرف فیملی تے مشتمل گروپس دی صورت اچ کیتی ونڄے۔ رجسٹریشن دے مرحلے تے پاسپورٹ دی لوڑھ نئیں ہوندی ٻھل حج بلنگ دے مرحلے تے پاسپورٹ لازمی ہوسی اتے بغیر پاسپورٹ دے کوئی درخواست قبول نا کیتی ویسی۔ پاسپورٹ دی میعاد کم از کم 16 نومبر 2027 تئیں ہووݨ ضروری قرار ݙتی ڳئی اے۔ وزارت موجب صرف رجسٹرڈ افراد کوں ہی حج 2027 دی بلنگ اچ حصہ گھنݨ دی اجازت ہوسی، اتے اے افراد سرکاری یا پرائیویٹ حج سکیم اچ شمولیت دا انتخاب وی کر سڳسن، اے طریقہ کار بیرونِ ملک مقیم پاکستانی (اوورسیز) عازمین تے وی لاگو ہوسی۔ وزارت دے مطابق حج 2027 کیتے رجسٹریشن مکمل طور تے مفت ہوسی، ڄݙاں جو حج پالیسی 2027 دے تحت اخراجات اتے ٻیاں شرائط و ضوابط بعد اچ انڄھ جاری کیتے ویسن۔ بلنگ دا عمل ’’پہلے آؤ پہلے پاؤ‘‘ دی بنیاد تے تھیسی اتے مقررہ تعداد مکمل ہووݨ تئیں جاری رہسی۔