اسلام آباد۔21 جون (اے پی پی)عالمی جریدے بولم برگ امریکا ایران امن معاہدے اچ کامیاب ثالثی کوں پاکستان دی تاریخ دی سب توں وݙی سفارتی کامیابی قرار ݙتے۔ جریدے آکھیے امریکا ایران جنگ مکاوݨ کیتے پاکستانی قیادت دے شاندار کردار پاکستان کوں پورے ڄڳ دی توجہ دا مرکز ٻݨا ݙتے۔ عالمی جریدہ بلومبرگ دے مطابق پاکستانی وزیرِ اعظم شہباز شریف بطورِ ثالث سب توں پہلے امریکا ایران جنگ بندی معاہدے …
امریکا ایران امن معاہدے اچ کامیاب ثالثی، پاکستان دی تاریخ دی سب توں وݙی سفارتی کامیابی اے: عالمی جریدہ بلومبرگ
مزید خبراں
اسلام آباد۔21 جون (اے پی پی)عالمی جریدے بولم برگ امریکا ایران امن معاہدے اچ کامیاب ثالثی کوں پاکستان دی تاریخ دی سب توں وݙی سفارتی کامیابی قرار ݙتے۔ جریدے آکھیے امریکا ایران جنگ مکاوݨ کیتے پاکستانی قیادت دے شاندار کردار پاکستان کوں پورے ڄڳ دی توجہ دا مرکز ٻݨا ݙتے۔ عالمی جریدہ بلومبرگ دے مطابق پاکستانی وزیرِ اعظم شہباز شریف بطورِ ثالث سب توں پہلے امریکا ایران جنگ بندی معاہدے دا اعلان کیتے۔ پاکستانی وزیراعظم اتے عسکری قیادت امریکا ایران جنگ رکواوݨ کیتے مرکزی شخصیات دے طور تے ابھرین۔ بلومبرگ موجب پاکستان ایرانی قیادت نال ملاقات، اسلام آباد امن مذاکرات اتے مشکل ترین سفارت کاری نال امن دہ راہ کݙھی اے، ٹرمپ ذاتی طور تے پاکستان دے عسکری سربراہ کوں پسندیدہ فیلڈ مارشل قرار ݙتے۔ رپورٹ دے مطابق پاکستانی قیادت دی امریکا اتے ایران نال بہترین ہم آہنگی پاکستان کوں ثالثی دے کردار کیتے سب توں مناسب ٻݨائے۔ سابق برطانوی رکنِ پارلیمنٹ اسٹیفن پاؤنڈ پاکستان دی کامیاب ثالثی کوں عالمی منظر نامے اچ اہم ترین کامیابی قرار ݙے ݙتے۔ امریکی محکمہِ دفاع دے سابق اہلکار کرسٹوفر کلیری آکھیے جو پاکستان خطے اچ ہک بااثر سفارتی اتے فوجی کھلاڑی ٻݨ چکیے۔ دنیا کوں تریجھی ممکنہ عالمی جنگ دی کندھی) توں ولا ڳھن آوݨ کیتے پاکستان دی سول اتے عسکری قیادت دیاں کوششاں پاکستان دا وقار بلند کر ݙتے۔
