لاہور سودھے پنجاب دے ودھ سارے علاقیں اچ کھمݨ گاجاں نال مینھ وسݨ دا امکان

لاہور۔22 جون (اے پی پی) محکمہ موسمیات موجب آندے چووی گھنٹے دے دوران لاہور سودھے پنجاب دے زیادہ تر علاقیں اچ کھمݨ گاجاں نال مینھ وسݨ دا امکان اے۔ ترجمان محکمہ موسمیات موجب راولپنڈی، مری، گلیات، اتک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیر آباد، لاہور، شیخوپورہ، ساہیوال، پاکپتن، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، نورپورتھل، بھکر، لیہ، میانوالی، بہاولپور، بہاولنگر، ڈی جی خان، ملتان، خانیوال، لودھراں، مظفر گڑھ، راجن پور، رحیم یار خان تے کوٹ ادو اچ  اندھاری تے کھمݨ گاجاں نال مینھ وسݨ دا امکان اے۔ترجمان موجب پنجاب دے ودھ سارے ضلعیں اچ بنیادی طور تے موسم گرم تے رُکھا رہیا تاں ہم مری، گلیات، جہلم، میانوالی، لیہ، بھکر، ملتان، خانیوال، پاکپتن، ساہیوال، راجن پور، تونسہ، رحیم یار خان، ڈی جی خان، بہاولنگر تے بہاولپور اچ کجھ جہیں تے تکھی ہوا تے کھمݨ گاجاں نال مینھ وسیا ۔ گزریل ݙینھ شہر دا گھٹ توں گھٹ درجہ حرارت 27 تے ودھ توں ودھ 36 سینٹی گریڈ رہیا ڄݙاں جو ہوا اچ نمی دی شرح 39 فیصد ریکارڈ کیتی ڳئی۔ لاہور اچ آلودگی دی مجموعی شرح 133 فیصد رہی ڄݙاں جو شہر دے مختلف علاقیں اچ ایئر کوالٹی انڈیکس ڈی ایچ اے فیز فائیو اچ 117، سی ای آر پی 124، برکی روڈ 117، عسکری ٹین 73، ماڈل ٹاؤن 102، بیدیاں روڈ 112 تے علامہ اقبال ٹاؤن اچ 132 ایئر کوالٹی انڈیکس ریکارڈ کیتا ڳیا۔سنوار دے ݙینھ صوبہ پنجاب دے ودھ علاقیں اچ موسم زیادہ تر گرم تے رُکھا رہݨ دا امکان اے۔ تاں جو کشمیر، راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، لاہور، شیخوپورہ، سیالکوٹ، نارووال، ساہیوال، خوشاب، سرگودھا، بھکر، لیہ، میانوالی، قصور، اوکاڑہ، جھنگ، فیصل آباد تے راجن پور اچ کچھ جہیں تے تکھی ہوائیں، اندھاری تے کھمݨ گاجاں نال مینھ وسݨ دا امکان اے ، ڄݙاں جو ایں دوران کجھ جہیں تے تکھی ہوا تے ژالہ باری وی تھی سڳدی اے۔منگل دے ݙینھ صوبہ پنجاب دے زیادہ تر علاقیں اچ موسم زیادہ تر گرم تے رکھا رہݨ دا امکان اے۔ تاں جو کشمیر، مری، گلیات، جہلم، منڈی بہاؤالدین، گجرات، گوجرانوالہ، لاہور، شیخوپورہ، سیالکوٹ، نارووال، سرگودھا، فیصل آباد، خانیوال اچ کجھ جہیں تے تکھی ہوا تے اندھاری کھمݨ گاجاں نال مینھ وس سڳدے۔