اسلام آباد۔22 جون (اے پی پی) نائب وزیراعظم و وزیرِ خارجہ سینیٹر محمد اسحاق ڈار نال پاکستان اچ چین دے سفیر جیانگ زی ڈونگ ملاقات کیتی۔ نائب وزیراعظم تے وزیرِ خارجہ سوئٹزرلینڈ دے شہر برگن سٹاک اچ اسلام آباد مفاہمتی یادداشت تے عملدرآمد دے حوالے نال تھیوݨ آلے اعلیٰ سطحی مذاکرات دی پیشرفت دا چینی سفیر کوں ݙسایا۔انھاں اپݨے اڄوکے دورۂ قاہرہ دا وی ذکر کیتا جتھاں انھاں مصر، سعودی …
نائب وزیراعظم اسحاق ڈار نال چین دے سفیر جیانگ زی ڈونگ دی ملاقات
مزید خبراں
اسلام آباد۔22 جون (اے پی پی) نائب وزیراعظم و وزیرِ خارجہ سینیٹر محمد اسحاق ڈار نال پاکستان اچ چین دے سفیر جیانگ زی ڈونگ ملاقات کیتی۔ نائب وزیراعظم تے وزیرِ خارجہ سوئٹزرلینڈ دے شہر برگن سٹاک اچ اسلام آباد مفاہمتی یادداشت تے عملدرآمد دے حوالے نال تھیوݨ آلے اعلیٰ سطحی مذاکرات دی پیشرفت دا چینی سفیر کوں ݙسایا۔انھاں اپݨے اڄوکے دورۂ قاہرہ دا وی ذکر کیتا جتھاں انھاں مصر، سعودی عرب تے ترکیہ دے وزرائے خارجہ دے رلے آر-4 علاقائی وزرائے خارجہ اجلاس اچ شرکت کیتی ہئی۔ دفترِ خارجہ توں جاری بیان موجب ایں اجلاس دا مقصد مکالمے دے ودھارے تے مسائل دے پرامن حل کیتے مشترکہ کوششاں کوں اڳوں ودھاوݨ ہئی۔پاکستان دی امن کوششاں کیتے چین دی مستقل حمایت دی تعریف کریندے نائب وزیراعظم تے وزیرِخارجہ امن عمل اچ چین دے اہم کردار بالخصوص صدر شی جن پنگ دی چار نکاتی تجویز تے چین۔پاکستان پنج نکاتی اقدام دی تعریف کیتی۔ چینی سفیر کشیدگی اچ کمی کیتے پاکستان دے کامیاب کردار دی تعریف کریندے خطے اچ پائیدار امن تے استحکام کیتے پاکستان دی ثالثی دی کوششاں دی بھرپور حمایت دا اعادہ کیتا۔ݙوہیں فریقاں ایں ڳالھ تے زور ݙتا جو سارے حل طلب مسئلیں دے پرامن تصفیے کیتے مسلسل سفارتی رابطے، مکالمے تے مذاکرات ناگزیرہن۔ نائب وزیراعظم تے وزیرِخارجہ امن، استحکام تے مشترکہ ترقی دے اہداف دے حصول کیتے چین دے نال مسلسل مشاورت تے تعاون جاری رکھݨ دے عزم دا اعادہ کیتا۔ انھاں پاکستان تے چین وچال ہر موسم اچ قائم سٹریٹجک تعاون تے مبنی شراکت داری کوں مزید تکڑا بݨاوݨ دے عزم دا وی اظہار کیتا۔
