اسلام آباد۔23 جون (اے پی پی) وزیراعظم دے مشیرنجکاری محمد علی گزریل ݙینھ انقرہ اچ توانائی تے قدرتی وسائل دی وزارت دے دورے دے دوران جمہوریہ ترکیہ دے وزیر توانائی تے قدرتی وسائل نال اہم ملاقات کیتی۔ وزارتِ نجکاری توں جاری بیان موجب ݙوہیں وزرا توانائی دے شعبے اچ ݙوطرفہ تعاون کوں تکڑا بݨاوݨ، سرمایہ کاری دے موقع تے پاکستان تے ترکیہ وچال تعاون کوں ودھاوݨ دے اقدامات تے ڳالھ …
وزیراعظم دے مشیرنجکاری دی ترکیہ دے وزیرِ توانائی و قدرتی وسائل نال ملاقات
مزید خبراں
اسلام آباد۔23 جون (اے پی پی) وزیراعظم دے مشیرنجکاری محمد علی گزریل ݙینھ انقرہ اچ توانائی تے قدرتی وسائل دی وزارت دے دورے دے دوران جمہوریہ ترکیہ دے وزیر توانائی تے قدرتی وسائل نال اہم ملاقات کیتی۔ وزارتِ نجکاری توں جاری بیان موجب ݙوہیں وزرا توانائی دے شعبے اچ ݙوطرفہ تعاون کوں تکڑا بݨاوݨ، سرمایہ کاری دے موقع تے پاکستان تے ترکیہ وچال تعاون کوں ودھاوݨ دے اقدامات تے ڳالھ کیتی۔ ڳالھ مہاڑاچ سٹریٹجک شراکت داری کوں ودھاوݨ، نجی شعبے دی شراکت کوں ودھارا ݙیوݨ تے توانائی دے شعبے اچ اصلاحات تے ترقی دے تجربیں توں فیدہ چاوݨ تے وی توجہ ݙتی ڳئی۔ایں ملاقات پاکستان تے ترکیہ وچال تکڑے بھرپی دے تعلقات دی عکاسی کیتی تے ایں اچ سانجھے فیدے کیتے اقتصادی تے ادارہ جاتی تعاون کوں مزید ودھاوݨ کیتے طرفین دے عزم دا اعادہ کیتا ڳیا۔وزیراعظم دے مشیر توانائی دے شعبے اچ ترکیہ دی کامیابیاں دی تعریف کیتی سانجھی دلچسپی دے شعبیں اچ تعاون ودھاوݨ اچ پاکستان دی دلچسپی ظاہر کیتی ۔ ݙوہیں طرفوں ڳالھ مہاڑ دا سلسلہ جاری رکھݨ تے مستقبل اچ تعاون دے موقع لبھݨ تے اتفاق کیتا ڳیا۔
