عظمیٰ بخاری دا موسیقار و گلوکار طارق طافو دے انتقال تے اظہارِ تعزیت

لاہور۔23 جون (اے پی پی) وزیراطلاعات و ثقافت پنجاب عظمیٰ بخاری نامور موسیقار تے گلوکار طارق طافو دے انتقال تے ݙکھ تے افسوس کیتے۔ اپݨے تعزیتی بیان اچ عظمیٰ بخاری آکھیا جو طارق طافو موسیقی دی دنیا دا ہک وݙا ناں ہن جنھاں اپݨے فن تے موسیقی دے ذریعے منفرد مقام حاصل کیتا۔انھاں آکھیا جو طارق طافو اپݨے مشہورِ زمانہ ڳاݨے “لہور لہور اے” پاروں عالمی شہرت حاصل کرݨ اچ کامیاب تھئے تے انھاں دیاں خدمات ہمیشہ یاد رکھیاں ویسن۔ عظمیٰ بخاری آکھیا جو طارق طافو درجناں نویں فنکاراں کوں موسیقی دی دنیا اچ متعارف کروایا تے انھاں دی سرپرستی کیتی۔انھاں مرحوم دے اہلخانہ نال دلی ہمدردی تے تعزیت کریندے دعا کیتی جو اللہ تعالیٰ مرحوم کوں جوارِ رحمت اچ جاہ ݙیوے تے پسماندگان کوں اے ݙکھ برداشت کرݨ دا حوصلہ ݙیوے۔