اسلام آباد۔23 جون (اے پی پی) وزیرِ دفاع خواجہ محمد آصف آکھیے جو پاکستان تے ایران دے تعلقات ودھدے پئن تے ایرانی صدر دا دورۂ پاکستان ݙوہیں بھرا ملکاں وچال تعاون دے ودھارے اچ اہم کردار ادا کریسی۔ میڈیا نال ڳالھ کریندے وزیرِدفاع آکھیا جو پاکستان ہمیشہ خطے اچ امن، استحکام تے مذاکرات دے ذریعے مسئلیں دے حل دی پالیسی اپنائی اے۔ انھاں آکھیا جو علاقائی کشیدگی اچ کمی تے …
ایرانی صدر دا دورۂ پاکستان ݙوپاسے تعلقات دے ودھارے اچ اہم سنگِ میل ثابت تھیسی، وزیرِدفاع خواجہ محمد آصف
مزید خبراں
اسلام آباد۔23 جون (اے پی پی) وزیرِ دفاع خواجہ محمد آصف آکھیے جو پاکستان تے ایران دے تعلقات ودھدے پئن تے ایرانی صدر دا دورۂ پاکستان ݙوہیں بھرا ملکاں وچال تعاون دے ودھارے اچ اہم کردار ادا کریسی۔ میڈیا نال ڳالھ کریندے وزیرِدفاع آکھیا جو پاکستان ہمیشہ خطے اچ امن، استحکام تے مذاکرات دے ذریعے مسئلیں دے حل دی پالیسی اپنائی اے۔ انھاں آکھیا جو علاقائی کشیدگی اچ کمی تے امن دے ودھارے کیتے پاکستان تاریخی تے مثبت کردار ادا کیتے جئیں کوں عالمی برادری قدر دی نگاہ نال ݙہدی پئی اے۔ خواجہ محمد آصف آکھیا جو امتِ مسلمہ تے خلیجی ملک پاکستان دی سفارتی کوششاں دی تعریف کریندے پئن تے پاکستان خطے اچ امن و استحکام دے قیام کیتے اپݨا کردار جاری رکھیسی۔ انھاں آکھیا جو پاکستان تے ایران وچال سانجھے تعاون دے مختلف شعبیں اچ تعلقات مزید تکڑے تھیسن۔وزیرِ دفاع آکھیا جو بھارت پاکستان دے مؤثر سفارتی کردار ݙریا پئے، تاں جو پاکستان اپݨی خودمختاری تے قومی سلامتی دے تحفظ کیتے ہر ممکن اقدام کریسی۔ انھاں واضح کیتا جو کہیں وی قسم دی جارحیت دا بھرپور تے مؤثر جواب ݙتا ویسی۔ انھاں آکھیا جو پاکستان اپݨی مغربی سرحداں تے امن چاہندے تے افغانستان دے نال بھرپی دے تعلقات ودھاوݨ تے یقین رکھیندے۔ انھاں دا آکھݨ ہئی جو پاکستان گزریل کئی ݙہاکیں دے دوران افغان عوام کوں پناہ، تعلیم تے روزگار سودھے مختلف سہولتاں ݙتیاں تے ایں حقیقت کوں بُھلݨا نئی چاہیدا۔ خواجہ آصف آکھیا جو دنیا پاکستان دی سفارتی کامیابیاں دا اعتراف کریندی پئی اے تے ملکی قیادت دے مؤثر اقدامات پاروں پاکستان دا عالمی وقار مزید اُچا تھئے۔ انھاں ایں عزم دا اعادہ کیتا جو پاکستان خطے اچ امن، استحکام تے ترقی دے ودھارے کیتے اپݨا مثبت کردار جاری رکھیسی۔
