پاکستان تے ایران مذہبی، تاریخی، ثقافتی تے بھرپی دے تعلقات نال جڑئے ہوئن، ڈاکٹر طارق فضل چوہدری

اسلام آباد۔23 جون (اے پی پی) وفاقی وزیرِ پارلیمانی امور ڈاکٹر طارق فضل چوہدری آکھیے جو پاکستان تے ایران گھاٹے مذہبی، تاریخی، ثقافتی تے بھرپی دے تعلقات نال جڑئے ہوئن، میکوں یقین اے جو اے دورہ ݙوطرفہ تعاون کوں تکڑا کرݨ، اقتصادی رابطے کوں وسعت ݙیوݨ تے علاقائی امن و استحکام کوں ودھارا ݙیوݨ اچ اہم کردار ادا کریسی۔ایرانی صدر دے پاکستان آوݨ دے موقع تے اپݨے بیان اچ انھاں فارسی زبان اچ ایرانی صدر مسعود پزشکیان دے دورہِ پاکستان دا خیر مقدم کیتا تے آکھیا جو پاکستانی عوام ہمیشہ اپݨے ایرانی بھراویں دا کھلے دل نال استقبال کیتے، ایں دورے دی کامیابی تے بھرپور نتائج دی دعا کریندوں۔ انھاں آکھیا جو پاکستان تے ایران دی پائیدار دوستی، علاقائی امن، ترقی تے سانجھی خوشحالی دی ضمانت اے۔