کشمیر دی جدوجہدِ آزادی اچ پاکستان نے وݙیاں قربانیاں ݙتن، ملک مخالف بیانات، ملکی ادارiں تے شہدا دی توہین تشویشناک اے، وزیرِ دفاع خواجہ محمد آصف

اسلام آباد۔24 جون (اے پی پی) وزیرِ دفاع خواجہ محمد آصف آکھیے جو کشمیر دی آزادی دی جدوجہد اچ پاکستان وݙیاں قربانیاں ݙتن، کشمیر تے انڈیا دے خلاف 5 جنگاں لڑیاں ہن، ایں دی سرحداں دی حفاظت اساݙیاں مسلح افواج کریندیاں پئن، پاکستان مخالف بیانات تے ملکی اداریں و شہدا دی توہین تشویشناک اے۔ قومی اسمبلی اچ راجہ پرویز اشرف دی طرفوں چاتے ڳئے نکات دا جواب ݙیندے انھاں آکھیا جو بھارتی غیر قانونی زیرِ قبضہ جموں و کشمیر دے عوام 78 سال توں آزادی دی جدوجہد جاری رکھی ہوئی اے تے انھاں پاکستان نال اپݨی وابستگی تے محبت دے اظہار اچ لاتعداد قربانیاں تے شہادتاں ݙتیاں ہن، کشمیری سنڄاݨ تے جدوجہد قربانی، ہجرت تے طویل مزاحمت دی تاریخ اے، او لوک آزادی کوں مکمل طور تے نئی سمجھ سڳدے جنھاں ایں کیتے قربانیاں نہ ݙتیاں ہوون، پاکستان تے کشمیر وچال رشتہ مشترکہ جدوجہد سانجھے عزم تے قائم اے، جے میں پاکستانی تھی تے پاکستان دی سالمیت دے خلاف ڳالھ کراں تاں میں پاکستانی کائنی۔انھاں دا آکھݨ ہئی جو کنٹرول لائن تے اساݙیاں افواج پارھا ݙیندن جئیں اچ چارے صوبیں، گلگت بلتستان تے آزاد کشمیر دے جوان شامل ہن، اساں کشمیر کیتے 5 جنگاں لڑیاں تے صلے اچ اساکوں ڳالھیں مندے ݙتے ویندن جیڑھا قابلِ قبول کائنی۔