اسلام آباد۔24 جون (اے پی پی) وفاقی وزیرِ خزانہ سینیٹر محمد اورنگزیب آکھیے جو وزیرِاعظم دی خصوصی ہدایت تے کراچی اچ باقاعدہ عوامی سہولت مرکز قائم کرݨ دا فیصلہ کیتا ڳئے، فیڈرل بورڈ آف ریونیو دے چیئرمین ہݨ ہر مہینے دے ݙوجھے ہفتے اچ صحافیاں دے رلے کراچی دا دورہ کریسن تاں جو ٹیکس دے حوالے نال شکوے موقع تے ہی حل کر سڳن۔ قومی اسمبلی اچ آندے مالی سال …
کراچی اچ باقاعدہ عوامی سہولت مرکز قائم کرݨ دا فیصلہ کیتا ڳئے، چیئرمین ایف بی آر ہݨ ہر مہینے دے ݙوجھے ہفتے اچ صحافیاں رلے کراچی دا دورہ کریسن، وفاقی وزیرِ خزانہ محمد اورنگزیب
اسلام آباد۔24 جون (اے پی پی) وفاقی وزیرِ خزانہ سینیٹر محمد اورنگزیب آکھیے جو وزیرِاعظم دی خصوصی ہدایت تے کراچی اچ باقاعدہ عوامی سہولت مرکز قائم کرݨ دا فیصلہ کیتا ڳئے، فیڈرل بورڈ آف ریونیو دے چیئرمین ہݨ ہر مہینے دے ݙوجھے ہفتے اچ صحافیاں دے رلے کراچی دا دورہ کریسن تاں جو ٹیکس دے حوالے نال شکوے موقع تے ہی حل کر سڳن۔ قومی اسمبلی اچ آندے مالی سال دے وفاقی بجٹ دی منظوری دا عمل مکمل تھیوݨ دے بعد انھاں بجٹ دی منظوری تے اظہارِ تشکر کریندے آکھیا جو پارلیمنٹ ہاؤس اچ بجٹ سیشن دے دوران ݙینھ رات کم کرݨ آلے افسراں تے سٹاف دی خدمات دی تعریف کیتی ونڄݨی چاہیدی اے۔ انھاں ایں موقع تے بجٹ اجلاس اچ خدمات ݙیوݨ آلے مختلف محکمہ جات دے افسران تے سٹاف کیتے 6 بنیادی تنخواہیں دے برابر اعزازیہ دا اعلان کیتا۔ انھاں آکھیا جو بجٹ منظوری دا عمل مکمل تھی چکے۔ انھاں آڈیٹر جنرل دیاں رپورٹا دا حوالہ ݙیندے آکھیا جو آئین دے تحت اے ضروری اے جو عوامی فنڈز کوں صرف انھاں دے مختص مقصد کیتے تے قانون موجب استعمال کیتا ونڄے، ایجھیاں رپورٹاں پاکستان دے عوامی مالیاتی احتساب دے نظام اچ بنیادی کردار ادا کریندن۔ انھاں آکھیا جو ملک دی تاریخ اچ پہلی واری وفاقی حکومت متعلق آڈٹ رپورٹس متعلقہ مالی سال دے اندر ہی پارلیمنٹ اچ پیش کیتیاں ویندیاں پئن۔ انھاں آکھیا جو اے پیشرفت حکومت دی مالی شفافیت، موثر آڈٹ نگرانی تے پارلیمانی نگرانی کوں تکڑا بݨاوݨ دے عزم دی عکاس اے۔ وفاقی وزیرِ خزانہ آڈیٹر جنرل آف پاکستان تے انھاں دی ٹیم کوں آئینی ذمہ واریاں کوں پیشہ ورانہ انداز، لگن تے محنت نال نبھاوݨ تے خراجِ تحسین پیش کیتا۔
