اسلام آباد۔24 جون (اے پی پی) وزیرِاعظم محمد شہباز شریف تے امیرِ قطر شیخ تمیم بن حمد آل ثانی برگن سٹاک اچ تکنیکی سطح دے مذاکرات دے پہلے دور تے اطمینان دا اظہار کریندے مذاکرات دی کامیابی کیتے مثبت پیش رفت دا سلسلہ جاری رکھݨ دی لوڑھ تے زور ݙتے تے اتفاق کیتے جو مذاکرات دے عمل کوں ضیان پڄاوݨ آلیاں کوششاں توں محفوظ رکھݨ ضروری اے۔وزیرِاعظم دفتر دے میڈیا …
وزیرِاعظم محمد شہباز شریف کوں قطر دے امیر شیخ تمیم بن حمد آل ثانی دا ٹیلیفون، برگن سٹاک اچ تکنیکی سطح دے مذاکرات دے پہلے دور تے اطمینان دا اظہار
مزید خبراں
اسلام آباد۔24 جون (اے پی پی) وزیرِاعظم محمد شہباز شریف تے امیرِ قطر شیخ تمیم بن حمد آل ثانی برگن سٹاک اچ تکنیکی سطح دے مذاکرات دے پہلے دور تے اطمینان دا اظہار کریندے مذاکرات دی کامیابی کیتے مثبت پیش رفت دا سلسلہ جاری رکھݨ دی لوڑھ تے زور ݙتے تے اتفاق کیتے جو مذاکرات دے عمل کوں ضیان پڄاوݨ آلیاں کوششاں توں محفوظ رکھݨ ضروری اے۔وزیرِاعظم دفتر دے میڈیا توں جاری بیان موجب وزیرِاعظم محمد شہباز شریف کوں قطر دے امیر شیخ تمیم بن حمد آل ثانی ٹیلیفون کیتا۔ ݙوہیں رہنماواں وچال ٻہوں خوشگوار تے دوستانہ ڳالھ مہاڑتھئی۔ امیرِ قطر وزیرِاعظم کوں پاکستان دیاں کامیاب سفارتی کوششاں تے مبارخ ݙتی جنھاں دے نتیجے اچ امریکہ تے ایران وچال تاریخی اسلام آباد مفاہمتی یادداشت تے دستخط تھئے۔ انھاں وزیرِاعظم دی قیادت دی تعریف کیتی تے پاکستان دی امن کوششاں کیتے قطر دی مکمل حمایت دا اظہار کیتا۔وزیرِاعظم نے امیرِ قطر دا امن دی کوششاں اچ مسلسل تے بھرپور تعاون تے شکریہ ادا کریندے آکھیا جو اے کامیابی فیلڈ مارشل سید عاصم منیر دی انتھک کوششاں تے قطر سودھے بھرا ملکاں دے اہم کردار پاروں ممکن تھئی۔ݙوہیں رہنماواں سوئٹزرلینڈ دے علاقے برگن سٹاک اچ تھیوݨ آلے تکنیکی سطح دے مذاکرات دے پہلے دور تے اطمینان دا اظہار کیتا تے ایں ڳالھ تے زور ݙتا جو مثبت پیش رفت دا سلسلہ جاری رہݨا چاہیدے تاں جو مذاکرات کامیاب تھی سڳن۔ ایں سلسلے اچ ݙوہیں رہنماواں اتفاق کیتا جو مذاکراتی عمل کوں ضیان پڄاوݨ دیاں کوششاں توں محفوظ رکھݨ ضروری اے۔امیرِ قطرراس لفان انڈسٹریل سٹی دی برزان گیس تنصیب اچ آتشزدگی دے افسوسناک واقعے اچ ہک پاکستانی شہری دے جاں بحق تھیوݨ تے ݙکھ تے افسوس وی کیتا۔ وزیرِاعظم انھاں دی ہمدردی تے شکریہ ادا کیتا تے قطر دی قیادت دی قطر اچ رہݨ آلی پاکستانی برادری، جئیں دی تعداد ہݨ ترائے لکھ توں ودھ اے،دی فراخدلانہ میزبانی دی تعریف کیتی ۔ وزیرِاعظم اڄوکے سال اپݨے دورہِ دوحہ دا ذکر کریندے امیرِ قطر کوں ہک واری ول پاکستان دے دورے دی دعوت ݙتی۔ امیرِ قطر اڄوکے سال دے چھیکڑ اچ پاکستان دا دورہ کرݨ دی خواہش ظاہر کیتی تاں جو ݙوطرفہ تعاون تے خطے دی صورتحال تے ڳالھ مہاڑ کیتی ونڄ سڳے۔ ݙوہیں رہنماواں آندے ݙینھاں اچ ݙوہیں ملکاں وچال نیڑے رابطے تے مشاورت جاری رکھݨ تے اتفاق کیتا۔
