وزیراعظم شہباز شریف اتے تبوک دے گورنر دا ٹیلی فون تے رابطہ

اسلام آباد۔ 24 جون (اے پی پی)وزیراعظم محمد شہباز شریف آکھیے جو پاکستان دیاں امن کوشِشاں دا مقصد خطے اچ امن اتے استحکام ودھاوݨ اے جیندے اچ سعودی عرب سودھا برادر ملکاں دی حمایت ٻہوں اہم رہی اے۔ انہاں اے ڳالھ سعودی عرب دے صوبے تبوک دے گورنر شہزادہ فہد بن سلطان بن عبدالعزیز آل سعود نال ڳالھ مہاڑ کریندے آکھی جنہاں ٻدھ کوں وزیراعظم کوں فون کیتے۔ ݙوہیں رہنماواں گرمجوشی نال خیرسگالی تے مبنی ڳالھ مہاڑ کیتی۔ ایں موقع تے گورنر تبوک امریکہ اتے ایران وچال اسلام آباد مفاہمتی یادداشت کوں توڑ پچاوݨ کیتے پاکستان دی غیرمعمولی سفارتی کوشِشاں تے وزیراعظم کوں مبارک ݙتی۔ وزیراعظم گورنر تبوک دا شکریہ ادا کریندے آکھیا جو پاکستان دی امن کوشِشاں دا مقصد خطے اچ امن اتے استحکام ودھاوݨ اے جیندے اچ سعودی عرب سودھا برادر ملکاں دی حمایت ٻہوں اہم رہی اے۔ پاکستان اتے مملکتِ سعودی عرب وچال تاریخی برادرانہ تعلقات دا ݙسیندے وزیراعظم، ولی عہد اتے وزیراعظم مملکتِ سعودی عرب شہزادہ محمد بن سلمان دی پاکستان نال محبت اتے خیرسگالی تے شکریہ ادا کیتے۔ وزیراعظم گورنر تبوک کوں پاکستان دا دورہ کرݨ دی دعوت وی ݙتی۔