اسلام آباد۔25 جون (اے پی پی) وفاقی وزیرِ مواصلات عبدالعلیم خان نال پاکستان دے دورے تے آئی ایرانی وزیرِ ٹرانسپورٹ فرزانہ صادق ملاقات کیتی، ملاقات دے دوران وفاقی وزیرِریلوے محمد حنیف عباسی، وزیرِ تجارت جام کمال خان تے وزیرِ بحری امور محمد جنید انوار چوہدری وی موجود ہن۔وزارتِ مواصلات توں جاری اعلامیے موجب وفاقی وزیرِ مواصلات عبدالعلیم خان ایرانی وفد نال ڳالھ کریندے خطے اچ امن قائم تھیوݨ تے خوشی …
وفاقی وزیرِمواصلات عبدالعلیم خان نال ایرانی وزیر فرزانہ صادق دی ملاقات، پاک ایران مشترکہ ٹرانسپورٹ کمیٹی فعال کرݨ تےاتفاق
اسلام آباد۔25 جون (اے پی پی) وفاقی وزیرِ مواصلات عبدالعلیم خان نال پاکستان دے دورے تے آئی ایرانی وزیرِ ٹرانسپورٹ فرزانہ صادق ملاقات کیتی، ملاقات دے دوران وفاقی وزیرِریلوے محمد حنیف عباسی، وزیرِ تجارت جام کمال خان تے وزیرِ بحری امور محمد جنید انوار چوہدری وی موجود ہن۔وزارتِ مواصلات توں جاری اعلامیے موجب وفاقی وزیرِ مواصلات عبدالعلیم خان ایرانی وفد نال ڳالھ کریندے خطے اچ امن قائم تھیوݨ تے خوشی دا اظہار کیتا۔ وفاقی وزیر فرزانہ صادق نال ڳالھ کریندے ایرانی عوام دے پختہ عزم تے ہمت دی تعریف کیتی تے ایں امید دا اظہار کیتا جو مستقبل اچ پاک ایران روڈ تے ریل رابطے مزید تکڑے تھیسن۔ وفاقی وزیرِ مواصلات آکھیا جو ݙوہیں ملکاں وچال زمینی رابطے دی مضبوطی نال تجارتی موقع ودھسن۔اجلاس اچ مختلف تجویزاں دا جائزہ وی گھدا ڳیا تے وفد پاک ایران مشترکہ ٹرانسپورٹ کمیٹی فعال کرݨ تے اتفاق کیتا۔ عبدالعلیم خان ایں موقع تے آکھیا جو ایران تے پاکستان دے وچال ٹرانسپورٹ متعلق مسئلیں کوں وقتی حل کیتا ویسی۔ ایرانی وزیر فرزانہ صادق جنگ بندی تے امن معاہدے اچ پاکستان دے مثبت کردار تے شکریہ ادا کریندے آکھیا جو پاکستانی بھراویں دی بھرپور حمایت تے تعاون کوں قدر دی نگاہ نال ݙیکھدوں ۔ ایرانی وزیرِٹرانسپورٹ ݙوہیں ملکاں وچال ٹرکاں تے کنٹینرز دی کلیئرنس دے مسئلے دا معاملہ وی چاتا۔ ملاقات دے دوران ݙوہیں ملکاں دے سینئر حکام شرکت کیتی تے پاک ایران بارڈر تے حل طلب مسئلیں سانڳے سانجھے اقدامات تے اتفاق وی کیتا۔
