کربلا دا واقعہ حق تے ڈٹ ونڄݨ تے باطل دے خلاف قیام دی ابدی علامت اے، وفاقی وزیررانا تنویرحسین

اسلام آباد۔ 26 جون (اے پی پی)وفاقی وزیر قومی غذائی تحفظ و تحقیق رانا تنویر حسین یومِ عاشور دے موقع تے قوم دے ناں اپݨے خصوصی پیغام وچ آکھیے کربلا دا واقعہ صبر، قربانی، حق تے ڈٹ ونڄݨ تے باطل دے خلاف قیام دی ابدی علامت اے۔ وزارتِ قومی غذائی تحفظ و تحقیق دی طرفوں جاری پیغام وچ انھاں آکھیا حضرت امام حسینؑ تے انھاں دے رفقاء جیڑھی قربانی ݙتی، او اساکوں اے درس ݙیندی اے جو اصولاں تے سمجھوتہ نہ کیتا ونڄے، ظلم دے اڳوں سر نہ جُھکایا ونڄے تے انسانیت دی خدمت کوں عبادت سمجھیا ونڄے۔ یومِ عاشور اساکوں اتحاد، بھرپی، رواداری تے امن دا پیغام ݙیندے۔وفاقی وزیر آکھیا وزیراعظم شہباز شریف تے وزیراعلیٰ پنجاب مریم نواز شریف دی ہدایات تے حکومت عزاداراں کوں ساریاں ممکنہ سہولتاں ݙیندی پئی اے۔ سکیورٹی، صفائی، لائٹنگ، پاݨی تے طبی امداد دے فول پروف انتظامات کیتے ڳئن تاں جو محرم دے مقدس ایام پرامن طریقے نال گزرن۔ رانا تنویر حسین عوام توں اپیل کیتی جو یومِ عاشورہ دے تقدس دا احترام کرن۔ نفرت انگیز تقریراں، فرقہ واریت تے سوشل میڈیا تے پروپیگنڈے توں پرہیز کرن۔ قانون دی پابندی کرن تے انتظامیہ و سکیورٹی اداریں نال تعاون کرن۔ کوئی وی مشکوک سرگرمی فوراً 15 تے رپورٹ کرن۔ انھاں آکھیا آؤ اساں سبھے رل تے کربلا دے پیغام کوں عام کروں تے پاکستان کوں ہک پرامن، متحد تے روادار ملک بݨاوݨ کیتے اپݨا کردار نبھاؤں۔