الیکشن کمیشن پنجاب وچ یونین کونسلز دیاں حلقہ بندیاں کیتے نظرثانی شدہ ٹائم لائن جاری کرݙتی

اسلام آباد۔ 26 جون (اے پی پی) الیکشن کمیشن پنجاب وچ یونین کونسلز دیاں حلقہ بندیاں کیتے نظرثانی شدہ ٹائم لائن جاری کر ݙتی اے، جئیں موجب حلقہ بندی کمیٹیاں دی طرفوں حلقہ بندیاں دی حتمی فہرست دی اشاعت 17 اگست کوں تھیسی۔ الیکشن کمیشن دی طرفوں جاری کیتی ڳئی نظرثانی شدہ ٹائم لائن موجب حلقہ بندی اتھارٹیز کنے ووٹرز دے پاسوں اعتراضات 4 جولائی تئیں جمع کروائے ونڄ سڳسن، جنہاں کوں 29 جولائی تئیں نبیڑیا ویسی۔ حلقہ بندی اتھارٹیز تے حلقہ بندی کمیٹیاں وچال فیصلیں توں آگاہی دا کم 7 اگست تئیں تھیسی، جݙاں جو یونین کونسلز دی سطح تے حلقہ بندیاں دی حتمی اشاعت 17 اگست کوں تھیسی۔