اسلام آباد۔ 16 ستمبر (اے پی پی) وفاقی وزیر داخلہ محسن نقوی نال چین دے نائب وزیر پبلک سکیورٹی گاو چی بدھ کوں اتھاں ملاقات کیتی، ڄیندے اچ پاک-چین ݙو پاسہ تعلقات، انسدادِ دہشت گردی تے انسدادِ منشیات دے حوالے نال مشترکہ کماں تے تفصیلی ڳالھ مہاڑ کیتی ڳئی۔ ملاقات اچ پولیس ٹریننگ ایکسچینج پروگرام تے فورسز کوں جدید ٹیکنالوجی و آلات دی فراہمی بارے آپسی تعاون کوں ٻیا ودھاوݨ …
چین پاکستان اچ جدید طرز دے لا انفورسمنٹ سینٹر دے قیام اچ تعاون کریسی، وفاقی وزیر داخلہ تے چینی نائب وزیر پبلک سکیورٹی وچال ملاقات اچ اتفاق
اسلام آباد۔ 16 ستمبر (اے پی پی) وفاقی وزیر داخلہ محسن نقوی نال چین دے نائب وزیر پبلک سکیورٹی گاو چی بدھ کوں اتھاں ملاقات کیتی، ڄیندے اچ پاک-چین ݙو پاسہ تعلقات، انسدادِ دہشت گردی تے انسدادِ منشیات دے حوالے نال مشترکہ کماں تے تفصیلی ڳالھ مہاڑ کیتی ڳئی۔ ملاقات اچ پولیس ٹریننگ ایکسچینج پروگرام تے فورسز کوں جدید ٹیکنالوجی و آلات دی فراہمی بارے آپسی تعاون کوں ٻیا ودھاوݨ تے اتفاق کیتا ڳیا۔ ایں موقع تے ایں گالھ تے وی اتفاقِ رائے تھیا جو چین پاکستان اچ جدید طرز دے لا انفورسمنٹ سینٹر دے قیام اچ بھرپور تکنیکی تے لاجسٹک تعاون فراہم کریسی۔ وفاقی وزیر داخلہ محسن نقوی آکھیا جو مجوزہ لا انفورسمنٹ سینٹر پاک-چین لازوال دوستی دی ایک ٻئی روشن علامت ثابت ہوسی۔ انہاں واضح کیتا جو عصرِ حاضر دے سکیورٹی چیلنجز نال مؤثر انداز اچ نبڑݨ کیتے چینی آرٹیفیشل انٹیلی جنس بیسڈ ٹیکنالوجی تے جدید آلات توں انتہائی مدد مل سڳدی اے۔ انہاں ایں عزم دا اظہار کیتا جو پاکستان چین دے نال داخلی سلامتی نال متعلق سارے شعبیاں اچ تعاون کوں ٻیا ودھاوݨ چاہندے۔ چینی نائب وزیر داخلہ گاو چی دہشت گردی دے خلاف جنگ اچ پاکستان دے پختہ عزم تے بے مثال قربانیاں کوں زبردست الفاظ اچ سراہندے ہوئیں سکیورٹی شعبے اچ اسلام آباد دے نال مکمل تعاون جاری رکھݨ دی یقین دہانی کروائی۔
