حکومت اسلام آباد اچ کامیابی نال جاری پروگرام “نظامِ صلوٰۃ” دے دائرہ کار کوں ملک اچ مرحلہ وار توسیع ݙیوݨ دا فیصلہ کیتے، وفاقی وزیر مذہبی امورسردار محمد یوسف

راولپنڈی۔27 جون (اے پی پی) وفاقی وزیر مذہبی امور و بین المذاہب ہم آہنگی سردار محمد یوسف آکھیے جو حکومت اسلام آباد اچ کامیابی نال جاری پروگرام “نظامِ صلوٰۃ” دے دائرہ کار کوں ملک اچ مرحلہ وار توسیع ݙیوݨ دا فیصلہ کیتے تاں جو نماز دی پابندی، دینی شعور تے اسلامی اقدار دے ودھارے کوں مزید موثر بݨایا ونڄ سڳے۔او ہفتے کوں گلیات دے علاقے اپر بینانی اچ جامع مسجد صائمہ دی افتتاحی تقریب توں خطاب کریندے پئے ہن۔ تقریب اچ سیاسی، سماجی تے مذہبی شخصیات دے علاوہ علاقے دے معززین تے مقامی شہریاں دی وݙی تعداد شرکت کیتی۔ وفاقی وزیر اپݨے خطاب اچ آکھیا جو معاشرے اچ دینی شعور دے ودھارے ، مسیتاں کوں آباد کرݨ تے مذہبی سرگرمیاں اچ عوامی شرکت کوں ودھارا ݙیوݨ ویلھے دی اہم لوڑھ اے ۔انھاں آکھیا جو مسیتاں صرف عبادت گاہواں ہی کائنی بلکہ مسلماناں دی سماجی، اخلاقی تے دینی تربیت دے اہم مراکز وی ہن جِنھاں دے کردار کوں مزید تکڑا بݨاوݨ دی لوڑھ اے۔وفاقی وزیر آکھیا جو قومی علما و مشائخ کونسل ملک اچ بین المسالک تے بین المذاہب ہم آہنگی دے ودھارے کیتے موثر کردار ادا کریندی پئی اے جئیں دے نتیجے اچ اتحاد، رواداری تے مذہبی ہم آہنگی کوں تقویت ملدی پئی اے۔ سردار محمد یوسف آکھیا جو پاکستان عالمی سطح تے باوقار مقام حاصل کیتے تے دنیا اچ امن دے ودھارے کیتے مثبت کردار ادا کریندے پئے۔ انھاں آکھیا جو فتلڈ مارشل سید عاصم منیر دیاں دانشمندانہ کوششاں خطے اچ کشیدگی کوں ودھݨ توں روکئے تے ممکنہ عالمی تصادم دے خدشات گھٹ کرݨ اچ اہم کردار ادا کیتے جئیں کوں عالمی سطح تے وی قدر دی نگاہ نال ݙٹھا ڳئے۔