اسلام آباد۔28 جون (اے پی پی) نائب وزیراعظم تے وزیرِ خارجہ اسحاق ڈار بحرین دے وزیرِ خارجہ ڈاکٹر عبداللطیف بن راشد الزیانی نال ٹیلیفون تے ڳالھ کیتی۔ اتوار کوں وزارتِ خارجہ توں جاری بیان موجب ݙوہیں رہنماواں ’’اسلام آباد مفاہمتی یادداشت‘‘ تے دستخط دے بعد خطے اچ تکھے بدلدی صورتحال تے ڳالھ مہاڑ کیتی۔بحرین دے وزیرِخارجہ ڈاکٹر عبداللطیف بن راشد الزیانی نائب وزیرِاعظم و وزیرِ خارجہ محمد اسحاق ڈار کوں …
اسحاق ڈار دی بحرین دے وزیرِخارجہ ڈاکٹر عبداللطیف بن راشد الزیانی نال ٹیلیفون تے ڳالھ مہاڑ
اسلام آباد۔28 جون (اے پی پی) نائب وزیراعظم تے وزیرِ خارجہ اسحاق ڈار بحرین دے وزیرِ خارجہ ڈاکٹر عبداللطیف بن راشد الزیانی نال ٹیلیفون تے ڳالھ کیتی۔ اتوار کوں وزارتِ خارجہ توں جاری بیان موجب ݙوہیں رہنماواں ’’اسلام آباد مفاہمتی یادداشت‘‘ تے دستخط دے بعد خطے اچ تکھے بدلدی صورتحال تے ڳالھ مہاڑ کیتی۔بحرین دے وزیرِخارجہ ڈاکٹر عبداللطیف بن راشد الزیانی نائب وزیرِاعظم و وزیرِ خارجہ محمد اسحاق ڈار کوں اسلام آباد مفاہمتی یادداشت تے دستخط تھیوݨ تے مبارخ ݙتی تے سانجھی مفاہمت دے حصول اچ پاکستان دے تعمیری کردار دی تعریف کریندے امید ظاہر کیتی جو اے پیش رفت خطے اچ پائیدار امن تے استحکام دے قیام اچ معاون ثابت تھیسی۔ انھاں آکھیا جو او وقتی پاکستان دا دورہ کریسن تاں جو جنگ بندی دے حصول کیتے وزیرِاعظم محمد شہباز شریف، نائب وزیرِاعظم و وزیرِ خارجہ محمد اسحاق ڈار تے چیف آف ڈیفنس فورسز، فیلڈ مارشل سید عاصم منیر دی غیر معمولی کوششاں تے ذاتی طور تے انھاں دا شکریہ ادا کرسڳن۔نائب وزیرِاعظم تے وزیرِ خارجہ ڈاکٹر عبداللطیف بن راشد الزیانی دے نیک جذبات تے انھاں دا شکریہ ادا کیتا تے خطے سودھے دنیا اچ امن و استحکام دے ودھارے کیتے پاکستان دے عزم دا اعادہ کریندے آکھیا جو پاکستان مکالمے تے سفارت کاری دے ذریعے مسئلیں دے پرامن حل دی حمایت جاری رکھیسی۔
