اسلام آباد۔28 جون (اے پی پی) وفاقی وزیرِ داخلہ محسن نقوی کراچی اچ پاکستان رینجرز سندھ دے کیمپ تے بھارتی پراکسی دے دہشت گرداں دے حملے دی پرزورمذمت کیتی اے۔ وزیرِ داخلہ محسن نقوی خوارج دا بہادری نال مقابلہ کریندے شہید تھیوݨ آلے وطن دے 3 سپوتاں کوں خراجِ عقیدت پیش کیتا تے آکھیا جو پاکستان رینجرز سندھ دے جرات مند جواناں وقتی تے موثر کارروائی کرتے 3 بھارتی پراکسی …
وفاقی وزیرِداخلہ محسن نقوی دی پاکستان رینجرز سندھ دے کیمپ تے بھارتی پراکسی دے دہشت گرداں دے حملے دی مذمت
اسلام آباد۔28 جون (اے پی پی) وفاقی وزیرِ داخلہ محسن نقوی کراچی اچ پاکستان رینجرز سندھ دے کیمپ تے بھارتی پراکسی دے دہشت گرداں دے حملے دی پرزورمذمت کیتی اے۔ وزیرِ داخلہ محسن نقوی خوارج دا بہادری نال مقابلہ کریندے شہید تھیوݨ آلے وطن دے 3 سپوتاں کوں خراجِ عقیدت پیش کیتا تے آکھیا جو پاکستان رینجرز سندھ دے جرات مند جواناں وقتی تے موثر کارروائی کرتے 3 بھارتی پراکسی دہشت گرداں کوں جہنم رسید کیتا تے انھاں دے مذموم عزائم کوں ناکام بݨایا۔وزیرِ داخلہ آکھیا جو حملہ ناکام بݨاوݨ دے دوران شہید تھیوݨ آلے بہادر سپوت پوری قوم دے ہیرو ہن، بہادر سپوتاں دی لازوال قربانی قوم دے پختہ عزم کوں مزید تکڑا کریندی اے، شہداء دیاں عظیم قربانیاں کوں ہمیشہ یاد رکھیا ویسے۔ وفاقی وزیرِ داخلہ محسن نقوی شہداء دے لواحقین نال دلی ہمدردی و اظہارِ تعزیت کیتا تے زخمی تھیوݨ آلے اہلکاراں دی وقتی صحتیابی کیتے دعا کیتی۔
