تہران۔3 جولائی (اے پی پی) چیئرمین سینیٹ سید یوسف رضا گیلانی تہران اچ آیت اللہ علی خامنہ ای شہید دی تعزیتی تقریب اچ شرکت کیتی۔ سینیٹ سیکرٹریٹ موجب ایں موقع تے چیئرمین سینیٹ ایران دے صدر ڈاکٹر مسعود پزشکیان تے ایرانی قیادت نال آیت اللہ علی خامنہ ای شہید دے انتقال تے پاکستان دی پارلیمان، حکومت تے عوام دے پاسوں دلی تعزیت تے ہمدردی دا اظہار کیتا۔انھاں آکھیا جو پاکستان …
چیئرمین سینیٹ سید یوسف رضا گیلانی دی آیت اللہ علی خامنہ ای شہید دی تعزیتی تقریب اچ شرکت
مزید خبراں
تہران۔3 جولائی (اے پی پی) چیئرمین سینیٹ سید یوسف رضا گیلانی تہران اچ آیت اللہ علی خامنہ ای شہید دی تعزیتی تقریب اچ شرکت کیتی۔ سینیٹ سیکرٹریٹ موجب ایں موقع تے چیئرمین سینیٹ ایران دے صدر ڈاکٹر مسعود پزشکیان تے ایرانی قیادت نال آیت اللہ علی خامنہ ای شہید دے انتقال تے پاکستان دی پارلیمان، حکومت تے عوام دے پاسوں دلی تعزیت تے ہمدردی دا اظہار کیتا۔انھاں آکھیا جو پاکستان ایں ݙکھے ویلھےبھرا ایران تے ایں دے عوام دے نال کھڑے۔ چیئرمین سینیٹ آیت اللہ علی خامنہ ای شہید دی دینی، علمی تے فکری خدمات کوں خراجِ عقیدت پیش کریندیں آکھیا جو مرحوم امتِ مسلمہ دے اتحاد، اسلامی اقدار دے ودھارے تے عالمِ اسلام دی رہنمائی اچ نمایاں کردار ادا کیتا، انھاں دی خدمات کوں ہمیشہ قدر تے احترام دی نگاہ نال یاد رکھیا ویسے۔چیئرمین سینیٹ سید یوسف رضا گیلانی تے گورنر خیبرپختونخوا فیصل کریم کنڈی تعزیتی تقریب اچ شرکت دے دوران مرحوم دے درجات دی بلندی، ایرانی عوام کیتے صبرِ جمیل تے ݙوہیں بھرا ملکاں وچال ݙوپاسے تعلقات دے مزید استحکام کیتے دعا کیتی۔
