اسلام آباد۔4 جولائی (اے پی پی) صدرِ مملکت آصف علی زرداری امریکا دے صدر ڈونلڈ ٹرمپ تے امریکی عوام کوں امریکہ دی آزادی دے 250 سال پورے تھیوݨ دے تاریخی موقعے تے دلی مبارکباد ݙتی اے۔ ہفتے کوں ایوانِ صدر دے پریس ونگ توں جاری بیان دے مطابق صدرِ مملکت امریکی صدر دے ناں آپݨے تہنیتی خط اچ آکھیا جو امریکا آپݨی طاقت، جدت، آزادی، جمہوریت تے مساوی مواقع جیویں …
صدرِ مملکت آصف علی زرداری دی صدر ڈونلڈ ٹرمپ تے امریکی عوام کوں یومِ آزادی تے مبارکباد
مزید خبراں
اسلام آباد۔4 جولائی (اے پی پی) صدرِ مملکت آصف علی زرداری امریکا دے صدر ڈونلڈ ٹرمپ تے امریکی عوام کوں امریکہ دی آزادی دے 250 سال پورے تھیوݨ دے تاریخی موقعے تے دلی مبارکباد ݙتی اے۔ ہفتے کوں ایوانِ صدر دے پریس ونگ توں جاری بیان دے مطابق صدرِ مملکت امریکی صدر دے ناں آپݨے تہنیتی خط اچ آکھیا جو امریکا آپݨی طاقت، جدت، آزادی، جمہوریت تے مساوی مواقع جیویں بنیادی اقدار نال وابستگی دی مضبوط روایت کوں مسلسل اڳوں تے ودھیندا پئے۔ انھاں آکھیا جو گزشتہ ڈھائی صدیاں دے دوران امریکی عوام دے نمایاں کارنامیں دنیا دی ترقی تے خوشحالی اچ اہم کردار ادا کیتے۔ صدر زرداری آکھیا جو پاکستان تے امریکا وچال دیرینہ تعلقات آپسی احترام، مشترکہ مفادات تے امن، سلامتی تے خوشحالی دے فروغ دے مشترکہ عزم تے استوار ہن۔ انھاں آکھیا جو امریکہ اچ آباد ہک فعال تے متحرک پاکستانی برادری ایں تعلقات کوں مزید مضبوط بݨاوݨ اچ اہم کردار ادا کیتے، ایں برادری دی کامیابیاں تے خدمات نہ صرف ݙوہائیں ممالک کیتے باعثِ فخر ہن بلکہ اے ݙوہائیں عوام وچال دوستی، آپسی اعتماد تے بہتر روابط دا مضبوط ذریعہ وی ہن۔ صدرِ پاکستان آکھیا جو پاکستان تے امریکا دے تعلقات ہک مثبت سمت اچ اڳوں تے ودھدے پئن جتھ ݙوہائیں ملک آپسی تعاون کوں مزید وسعت ݙیوݨ تے مستقبل تے نظر رکھݨ آلی مضبوط شراکت داری دے فروغ کیتے پُرعزم ہن۔ انھاں ایں رفتار کوں برقرار رکھݨ کیتے توانائی دی قابلِ اعتماد فراہمی، تجارت تے سرمایہ کاری، دفاع، انسدادِ دہشت گردی تے ٻئے آپسی دلچسپی دے شعبیں اچ قریبی تے منظم تعاون جاری رکھݨ دی اہمیت تے زور ݙتا۔
