اسلام آباد۔4 جولائی (اے پی پی) وزیرِ اعظم محمد شہباز شریف شہید آیت اللہ سید علی خامنہ ای کوں خراجِ عقیدت پیش کریندیں ہوئیں آکھیا جو شہید سپریم لیڈر آیت اللہ سید علی خامنہ ای دی دانائی، مدبرانہ قیادت دے ایران سمیت پورے خطے اچ گہرے اثرات کوں آوݨ آلی نسلاں وی یاد رکھیسن۔ ہفتے کوں ایکس تے آپݨے سنیھے اچ وزیرِ اعظم ݙسایا جو انھاں اسلامی جمہوریہ ایران دے …
شہید سپریم لیڈر آیت اللہ سید علی خامنہ ای دی دانائی، مدبرانہ قیادت دے ایران سمیت پورے خطے اچ گہرے اثرات کوں آوݨ آلی نسلاں یاد رکھیسن، وزیرِ اعظم
مزید خبراں
اسلام آباد۔4 جولائی (اے پی پی) وزیرِ اعظم محمد شہباز شریف شہید آیت اللہ سید علی خامنہ ای کوں خراجِ عقیدت پیش کریندیں ہوئیں آکھیا جو شہید سپریم لیڈر آیت اللہ سید علی خامنہ ای دی دانائی، مدبرانہ قیادت دے ایران سمیت پورے خطے اچ گہرے اثرات کوں آوݨ آلی نسلاں وی یاد رکھیسن۔ ہفتے کوں ایکس تے آپݨے سنیھے اچ وزیرِ اعظم ݙسایا جو انھاں اسلامی جمہوریہ ایران دے مرحوم سپریم لیڈر شہید آیت اللہ سید علی خامنہ ای دی نمازِ جنازہ تے تدفین دی تقریب اچ شرکت کریندیں ہوئیں حکومتِ پاکستان تے پاکستانی عوام ولوں حکومتِ ایران تے برادر ایرانی عوام نال دلی تعزیت تے ہمدردی دا اظہار کیتا۔ وزیرِ اعظم آکھیا جو ایرانی عوام دے نال آپݨی یکجہتی دے اظہار کیتے انھاں دے ہمراہ ہک اعلیٰ سطح وفد وی موجود ہئی، جیندے اچ نائب وزیرِ اعظم و وزیرِ خارجہ سینیٹر اسحاق ڈار، چیف آف ڈیفنس اسٹاف تے چیف آف آرمی اسٹاف فیلڈ مارشل سید عاصم منیر، سینئر ارکانِ پارلیمان، جنھاں اچ چیئرمین پاکستان پیپلز پارٹی بلاول بھٹو زرداری تے اسپیکر قومی اسمبلی سردار ایاز صادق، وفاقی وزراء تے اعلیٰ سرکاری حکام شامل ہن۔ انھاں آکھیا جو ہک برادر ہمسایہ ملک دی حیثیت نال پاکستان ایں غم دی گھڑی اچ ایران دے نال مکمل یکجہتی دے نال کھڑے۔
