اسلام آباد۔5 جولائی (اے پی پی) سپیکر قومی اسمبلی سردار ایاز صادق کیپٹن کرنل شیر خان شہید (نشانِ حیدر) دی 27 ویں برسی دے موقعے تے انھاں کوں خراجِ عقیدت پیش کریندیں ہوئیں آکھیا اے جو کیپٹن کرنل شیر خان شہید کارگل دے محاذ تے بے مثال جرات تے عزم دے نال وطنِ عزیز دا دفاع کریندیں ہوئیں جامِ شہادت نوش کیتا۔ اتوار کوں قومی اسمبلی سیکرٹریٹ توں جاری بیان …
کیپٹن کرنل شیر خان شہید دی جرات تے قربانی قوم کیتے ہمیشہ مشعلِ راہ رہسی، سردار ایاز صادق
مزید خبراں
اسلام آباد۔5 جولائی (اے پی پی) سپیکر قومی اسمبلی سردار ایاز صادق کیپٹن کرنل شیر خان شہید (نشانِ حیدر) دی 27 ویں برسی دے موقعے تے انھاں کوں خراجِ عقیدت پیش کریندیں ہوئیں آکھیا اے جو کیپٹن کرنل شیر خان شہید کارگل دے محاذ تے بے مثال جرات تے عزم دے نال وطنِ عزیز دا دفاع کریندیں ہوئیں جامِ شہادت نوش کیتا۔ اتوار کوں قومی اسمبلی سیکرٹریٹ توں جاری بیان دے مطابق سپیکر سردار ایاز صادق آکھیا جو قوم کیپٹن کرنل شیر خان شہید دی لازوال قربانی کوں ہمیشہ یاد رکھیسی۔ انھاں آکھیا جو کارگل دے محاذ تے کیپٹن کرنل شیر خان شہید دی جرات تے بہادری ملکی تاریخ دا روشن باب اے تے پوری قوم کوں آپݨے ایں عظیم ہیرو دی قربانی تے فخر اے۔ سپیکر سردار ایاز صادق آکھیا جو کیپٹن کرنل شیر خان شہید دی عظیم قربانی نوجوان نسل کیتے حب الوطنی دی روشن مثال اے۔ ایں موقعے تے اسپیکر سردار ایاز صادق کیپٹن کرنل شیر خان شہید دے بلندیِ درجات کیتے دعا کیتی۔
