مہنگائی دی شرح 3.5 فیصد، ترسیلاتِ زر 31 ارب ڈالر توں متجاوز، ’’اڑان پاکستان‘‘ دا معاشی نظم و ضبط اب حقیقت دا روپ دھاریندا پئے، پروفیسر احسن اقبال

اسلام آباد۔5 جولائی (اے پی پی) وفاقی وزیر منصوبہ بندی، ترقی و اصلاحات و خصوصی اقدامات پروفیسر احسن اقبال آکھیا اے جو مہنگائی دی شرح 3.5 فیصد تائیں ݙہݨ تے ترسیلاتِ زر دے 31 ارب ڈالر توں تجاوز کرݨ دے نال ای ’’اڑان پاکستان‘‘ دا معاشی نظم و ضبط اب حقیقت دا روپ ڳھندا پئے، پاکستان ثابت کر ݙتا اے جو او کوئی کمزور ریاست نئی، بلکہ آپݨے پیراں تے کھڑا تھیندا ہویا ہک مضبوط ملک اے۔ اتوار کوں وزارتِ منصوبہ بندی، ترقی و اصلاحات توں جاری بیان دے مطابق انھاں اورلینڈو اچ 49 ویں اپنا (APPNA) سالانہ کنونشن توں خطاب کریندیں ہوئیں آکھیا جو ’’اڑان پاکستان‘‘ دے ذریعے اساں آپݨی سوچ کوں بنیادی طور تے تبدیل کریندے پئیوں، تاریخ اچ پہلی واری آبادی تے انسانی وسائل اساݙی منصوبہ بندی اچ کوئی معمولی حاشیہ نئی بلکہ اساݙی معاشی ترقی دا پہلا باب بݨ ڳئے۔ انھاں آکھیا جو اساں فائیو ایز (5 Es) دی بنیاد تے 2047 تائیں 3 ٹریلین ڈالر دی معیشت دا ہدف گھن تے چلدے پئیوں، مہنگائی دی شرح 3.5 فیصد تائیں ݙہݨ تے ترسیلاتِ زر دے 31 بلین ڈالر توں تجاوز کرݨ دے نال ای ’’اڑان پاکستان‘‘ دا معاشی نظم و ضبط اب حقیقت دا روپ ڳھن ڳھدے۔ آپنی مہارت، آپنے سسٹمز تے اپنا وژن وطن واپس گھن تے آؤ، ہݨ مستقبل ای اساݙا اگلا مشن اے۔