لاہور۔6 جولائی (اے پی پی) وزیرِ اعظم محمد شہباز شریف گروپ کیپٹن عاصم طارق دی شہادت تے ݙکھ تے افسوس دا اظہار کریندیں ہوئیں آکھیا جو انھاں ہک خاتون دی جان تے عزت دے تحفظ کیتے آپݨی جان دا نذرانہ پیش کر تے بے مثال جرات، بہادری تے فرض شناسی دی مثال قائم کیتی۔ پی ایم آفس دے میڈیا ونگ توں سنوار کوں جاری بیان دے مطابق وزیرِ اعظم آکھیا …
گروپ کیپٹن عاصم طارق خاتون دی جان تے عزت دے تحفظ کیتے قربان تھی تے بے مثال جرات، بہادری تے فرض شناسی دی مثال قائم کیتی، وزیرِ اعظم محمد شہباز شریف
مزید خبراں
لاہور۔6 جولائی (اے پی پی) وزیرِ اعظم محمد شہباز شریف گروپ کیپٹن عاصم طارق دی شہادت تے ݙکھ تے افسوس دا اظہار کریندیں ہوئیں آکھیا جو انھاں ہک خاتون دی جان تے عزت دے تحفظ کیتے آپݨی جان دا نذرانہ پیش کر تے بے مثال جرات، بہادری تے فرض شناسی دی مثال قائم کیتی۔ پی ایم آفس دے میڈیا ونگ توں سنوار کوں جاری بیان دے مطابق وزیرِ اعظم آکھیا جو قوم ایجھے بہادر پتراں دی قربانیاں کوں ہمیشہ قدر تے احترام دی نگاہ نال ݙیکھدی اے۔ وزیرِ اعظم ہک تیں شہید گروپ کیپٹن عاصم طارق دے اہلِ خانہ نال دلی همدردی تے تعزیت دا اظہار کریندیں ہوئیں آکھیا جو پوری قوم شہید دے اہل خانہ دے ݙکھ اچ برابر دی شریک اے۔ انھاں دعا کیتی جو اللہ تعالیٰ شہید دے درجات بلند فرماوے، انھاں کوں آپݨے جوارِ رحمت اچ اعلیٰ مقام عطا کرے تے لواحقین کوں اے صدمہ صبر و استقامت دے نال برداشت کرݨ دی توفیق ݙیوے۔ وزیرِ اعظم متعلقہ حکام کوں ہدایت کیتی جو واقعے دی مکمل تے شفاف تحقیقات کر تے ذمہ دار عناصر کوں قانون دے مطابق سخت سزا ݙتی ونجے۔
