اسلام آباد۔6 جولائی (اے پی پی) نائب وزیرِاعظم و وزیرِ خارجہ سینیٹر محمد اسحاق ڈار نال اقوامِ متحدہ دے سیکرٹری جنرل دے عہدے دی امیدوار ایکواڈور دی سابق وزیرِ خارجہ ماریا فرنانڈا ایسپینوسا ملاقات کیتی۔ ملاقات دے دوران نائب وزیرِاعظم و وزیرِ خارجہ ایسپینوسا دا خیرمقدم کریندیں کثیرالجہتی تعاون دے ودھارے تے عالمی امور اچ اقوامِ متحدہ دے مرکزی کردار کوں مزید تکڑا بݨاوݨ کیتے پاکستان دی بھرپور حمایت دا …
نائب وزیرِاعظم اسحاق ڈار نال اقوامِ متحدہ دے سیکرٹری جنرل دے عہدے دی امیدوار ایکواڈور دی سابق وزیرِ خارجہ دی ملاقات
اسلام آباد۔6 جولائی (اے پی پی) نائب وزیرِاعظم و وزیرِ خارجہ سینیٹر محمد اسحاق ڈار نال اقوامِ متحدہ دے سیکرٹری جنرل دے عہدے دی امیدوار ایکواڈور دی سابق وزیرِ خارجہ ماریا فرنانڈا ایسپینوسا ملاقات کیتی۔ ملاقات دے دوران نائب وزیرِاعظم و وزیرِ خارجہ ایسپینوسا دا خیرمقدم کریندیں کثیرالجہتی تعاون دے ودھارے تے عالمی امور اچ اقوامِ متحدہ دے مرکزی کردار کوں مزید تکڑا بݨاوݨ کیتے پاکستان دی بھرپور حمایت دا اعادہ کیتا۔دفترِ خارجہ توں جاری بیان موجب انھاں امید ظاہر کیتی جو اقوامِ متحدہ دے آندے سیکرٹری جنرل ادارے اچ انتہائی ضروری اصلاحات متعارف کریسن تے سلامتی کونسل دیاں پراݨیاں قرارداداں بالخصوص فلسطین تے جموں و کشمیر متعلق قرارداداں تے مؤثر عملدرآمد یقینی بݨیسن جیڑھے مشرقِ وسطیٰ تے جنوبی ایشیا اچ پائیدار امن کیتے نہایت اہم ہن۔ نائب وزیرِاعظم و وزیرِ خارجہ ایں عزم دا وی اعادہ کیتا جو پاکستان اقوامِ متحدہ دے منشور دے مقصد تے اصولاں دے ودھارے ، بین الاقوامی قانون تے معاہدات دے احترام نیزعالمی امن، استحکام تے خوشحالی کیتے فعال بین الاقوامی تعاون کوں اڳوں ودھاوݨ کیتے آپݨا کردار جاری رکھیسی
