اسلام آباد۔7 جولائی (اے پی پی) وفاقی وزیرِ داخلہ محسن نقوی نشانِ حیدر ڳھنݨ آلے ارضِ وطن دے بہادر سپوت حوالدار لالک جان شہید دے یومِ شہادت تے انھاں کوں زبردست خراجِ عقیدت پیش کریندیں ہوئیں آکھیا جو حوالدار لالک جان وطنِ عزیز دے دفاع کیتے شجاعت تے بہادری دی او لازوال داستان رقم کیتی جئیں تے پوری قوم کوں رہندی دنیا تائیں فخر رہسی۔ ہک بیان اچ محسن نقوی …
وفاق وزیرِ داخلہ دا حوالدار لالک جان دے یومِ شہادت تے انھاں کوں زبردست خراجِ عقیدت پیش
مزید خبراں
اسلام آباد۔7 جولائی (اے پی پی) وفاقی وزیرِ داخلہ محسن نقوی نشانِ حیدر ڳھنݨ آلے ارضِ وطن دے بہادر سپوت حوالدار لالک جان شہید دے یومِ شہادت تے انھاں کوں زبردست خراجِ عقیدت پیش کریندیں ہوئیں آکھیا جو حوالدار لالک جان وطنِ عزیز دے دفاع کیتے شجاعت تے بہادری دی او لازوال داستان رقم کیتی جئیں تے پوری قوم کوں رہندی دنیا تائیں فخر رہسی۔ ہک بیان اچ محسن نقوی شہید دی خدمات کوں سراہیندیں ہوئیں آکھیا جو کارگل دے کٹھن محاذ تے حوالدار لالک جان آپݨی جان دا نذرانہ پیش کر تے دشمن دے ناپاک عزائم کوں خاک اچ ملایا، اڳلے مورچیاں تے ونڃ تے دشمن دے سامنے ڈٹ ونڃݨ آلے ایں عظیم مجاہد غیر معمولی جرات تے حب الوطن دی اعلیٰ ترین مثال قائم کیتی۔ محسن نقوی حوالدار لالک جان شہید تے ملک دے تمام شہداء دے خانداناں کوں دل دی گہرائیاں توں سلام پیش کیتا۔ انھاں دہرایا جو پاکستان دے ایں بہادر سپوت دی داستانِ شجاعت رہندی دنیا تائیں قوم دا فخر تے اساݙی تاریخ دا ہک درخشاں اثاثہ رہسی۔
