صدرِ مملکت آصف علی زرداری دے اعزاز اچ کرغزستان دے ’’رخ اوردو‘‘ ثقافتی کمپلیکس اچ باضابطہ استقبالیہ تقریب

اسلام آباد۔7 جولائی (اے پی پی) صدرِ مملکت آصف علی زرداری دے اعزاز اچ کرغزستان دے شہر چولپون آتا دے ’’رخ اوردو‘‘ ثقافتی کمپلیکس اچ باضابطہ استقبالیہ تقریب تھئی۔ منگل کوں ایوانِ صدر دے پریس ونگ توں جاری بیان دے مطابق تقریب اچ آوݨ تے کرغزستان دے صدر صادر ژپاروف صدرِ مملکت دا خیرمقدم کیتا۔ استقبالیہ تقریب اچ ݙوہائیں ملکاں دے ترانے وڄائے ڳئے۔ ایں موقعے تے صدر آصف علی زرداری کوں کرغز افواج دے تازہ دم دستے گارڈ آف آنر پیش کیتا، صدرِ مملکت گارڈ آف آنر دا معائنہ کیتا۔ تقریب دے دوران ݙوہائیں رہنماواں وفود دا ہک ݙوجھے نال تعارف کرایا۔