راولپنڈی۔7 جولائی (اے پی پی) اسلام آباد اچ ہک تریمت کوں اوکھی صورتحال توں بچاوݨ دی کوشش دے دوران بہادری نال مداخلت کریندیں جامِ شہادت نوش کرݨ آلے گروپ کیپٹن عاصم طارق شہید دی نمازِ جنازہ ادا کر ݙتی ڳئی۔ شہید افسر کوں انھاں دی غیر معمولی بہادری، بے لوث جذبہِ خدمت تے فرض شناسی دے اعتراف اچ مکمل فوجی اعزاز دے نال سپردِ خاک کیتا ڳیا۔ پاک فوج دے …
تریمت کوں اوکھی صورتحال توں بچاوݨ دی کوشش دے دوران شہید تھیوݨ آلے گروپ کیپٹن عاصم طارق شہید دی نمازِ جنازہ ادا کر ݙتی ڳئی
مزید خبراں
راولپنڈی۔7 جولائی (اے پی پی) اسلام آباد اچ ہک تریمت کوں اوکھی صورتحال توں بچاوݨ دی کوشش دے دوران بہادری نال مداخلت کریندیں جامِ شہادت نوش کرݨ آلے گروپ کیپٹن عاصم طارق شہید دی نمازِ جنازہ ادا کر ݙتی ڳئی۔ شہید افسر کوں انھاں دی غیر معمولی بہادری، بے لوث جذبہِ خدمت تے فرض شناسی دے اعتراف اچ مکمل فوجی اعزاز دے نال سپردِ خاک کیتا ڳیا۔ پاک فوج دے شعبہِ تعلقاتِ عامہ (آئی ایس پی آر) توں جاری بیان موجب پاک فضائیہ دے سربراہ ائیر چیف مارشل ظہیر احمد بابر سدھو انھاں دی نمازِ جنازہ اچ شرکت کیتی۔ ایں موقع تے پاک فضائیہ دے سینئر افسراں، اہلکاراں تے شہریاں دی وݙی تعداد وی موجود ہئی جنھاں بہادر افسر کوں خراجِ عقیدت پیش کیتا تے انھاں دی عظیم قربانی کوں سلام پیش کیتا۔پاک فضائیہ دے سربراہ ائیر چیف مارشل ظہیر احمد بابر سدھو گروپ کیپٹن عاصم طارق شہید کوں زبردست خراجِ تحسین پیش کریندیں آکھیا جو انھاں دی قربانی پاک فضائیہ تے پاکستان دی مسلح افواج دی اعلیٰ ترین روایات دی عکاس اے۔ انھاں آکھیا جو ہک بے گناہ شہری دی جان و عزت دے تحفظ کیتے آپݨی جان دا نذرانہ پیش کر تے شہید افسر اے ثابت کیتا جو پاک فضائیہ دے مرد و تریمت نہ صرف ملک دیاں سرحداں دے دفاع کیتے ہر ویلھے تیار ہن بلکہ آپݨے ہم وطناں دی جان، عزت تے وقار دے تحفظ کیتے وی کہیں قربانی توں پچھوں نی ہٹدے۔
